Aımaqtar • 05 Tamyz, 2020

Shymkent ákiminiń birinshi orynbasary turǵyndardy qaýipsizdik sharalaryn saqtaýǵa shaqyrdy

32 ret kórsetildi

Shymkent qalalyq aqparattyq-kommýnıkasııalyq ortalyǵynda qala ákiminiń birinshi orynbasary Shyńǵys Muqan, úshinshi megapolıstyń bas memlekettik sanıtarııalyq dárigeri Ábdimanap Tólebaev jáne  qalalyq Densaýlyq saqtaý basqarmasy basshysynyń mindetin atqarýshysy Tımırhan Varzılovtyń qatysýymen Shymshahardaǵy epıdemıologııalyq jaǵdaı boıynsha brıfıng ótti. Jıynda  Shyńǵys Jumabekuly qaladaǵy qalypqa túse bastaǵan epıdemıologııalyq ahýaldy turaqty jaǵdaıda ustaý úshin josparlary jóninde sóz qozǵady, - dep habarlaıdy Egemen.kz

"Koronavırýs ınfeksııasynyń keń taralýyn aldyn alý maqsatynda qalada adamdar kóp shoǵyrlanatyn qoǵamdyq oryndarǵa nasıhat bannerlerin ilemiz. Iаǵnı, halyq sanıtarlyq normalardyń saqtalýyn jadylarynan shyǵarmaýy kerek. Máselen, búginde betperde adamnyń kıetin kıimi sekildi qajettilikke aınaldy. Osy qalypty áli de saqtaýymyz kerek. О́ıtkeni indet uıytqyp otyryp qaıta soǵýy múmkin. Al ol vırýspen kúres kózben kórinbeıtin jumys sııaqty. Bul sózimdi medısına mamandarynyń eńbegin nazarǵa alyp aıtyp otyrmyn. О́z kezeginde biz Shymkent qalasynyń ákimdigi aq halattylar kásibıligin sarqyp jumys isteýge jaǵdaı jasaýymyz qajet",  dedi Shyńǵys Muqan.

Sondaı-aq, qala ákiminiń birinshi orynbasary jeke jospar joq, memlekettik maqsat bar ekenin aıta kele, "búgingi jaǵdaı qalypqa keldi dep, oǵan nemquraıly qarasaq, úshinshi tolqyn bolýy ábden múmkin. Ol – qarapaıym shyndyq. Epıdemıologııa keshe paıda bolǵan joq, ol – ǵylym, zerttelgen dúnıe. Iаǵnı, saqtanbasaq, indetti qaıta órshitip alýymyz múmkin. Degenmen álem ǵalymdary bul vırýsty aýyzdyqtaý úshin kúresýde. Búginde dúnıe júzinde ǵalymdar 160-tan asa vaksınany synaqtan ótkizip jatyr. Onyń ishinde eki vaksınany elimizdiń ǵalymdary synaqtan ótkizýde", dep sózin túıindedi.

Brıfıngte Shymkent qalasynyń Bas memlekettik sanıtarııalyq dárigeri kásipkerlik nysan ıelerinen sanıtarlyq normalardy saqtaýǵa shaqyrdy.

"Maqsatymyz aıyppul ósimin kóbeıtý emes, biraq kásipkerlik nysan ıeleri talapqa saı jumys istemese, shara qoldanamyz. Bul rette epıdemıologııalyq ahýal kezindegi qalamyzdaǵy dárihanalarǵa júrgizilgen monıtorıng boıynsha aıtsam, 457-i dárihanaǵa tekserý júrgizildi. Olardyń 87-sinen zań talaptaryn buzý anyqtalyp, aıyppul salyndy. Jáne olardyń 27-si sotqa joldanyp, búginde 8-ne tergeý jumystary júrgizilýde",  dedi Ábdimanap Tólebaev.

Ábdimanap Qoshqarulynyń sózine súıensek, koronavırýs ınfeksııasyna baılanysty shekteý sharalary kezinde qalada osy jyly ózge de ınfeksııalyq aýrýlar (oba, tyrysqaq, qutyrý, paratıf, dıfterııa, kókjótel, qyzamyq, ish súzegi, polıomıelıt, salmonellez) tirkelmegen.

О́z kezeginde Tımırhan Isabalulynyń aıtýynsha, Shymkent qalasynda 2020 jylǵy 5 tamyzdaǵy jaǵdaı boıynsha 5025 covid-19 jaǵdaıy tirkelgen. Onyń ishinde sımptomdyq – 2572, sımptomsyz – 2453. Al ótken táýlikte 14 adam vırýs juqtyrǵan. 

Sońǵy jańalyqtar

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar