Aımaqtar • 05 Tamyz, 2020

Shymkentte kópten kúrdeli jóndeý kórmegen "Shámshi alleıasy" jańartylyp jatyr

97 ret kórsetildi

Áleýmettik jelide Shymkenttegi Shámshi Qaldaıaqov atyndaǵy alleıada kúrdeli jóndeý jumystary jasalyp jatqany jaıly aqparat keńinen taraǵan bolatyn. Osyǵan oraı, bul máselege qala ákiminiń birinshi orynbasary Shyńǵys Muqan jaýap berdi, - dep habarlaıdy Egemen.kz

Shyńǵys Jumabekulynyń aıtýynsha, "Shámshi alleıasy" 2006 jyly salynǵan. Al, 2011 jyly demeýshilerdiń kómegimen gúlzardyń ortalyq bóligine sahna, jaıaý júrginshiler alańy, "juldyzdar alleıasy" qurylǵan.

Sońǵy júrgizilgen anyqtaý jumystarynyń nátıjesine oraı, gúlzar ishindegi jaıaý júrginshiler jolynyń 80 paıyzynan astam plıtalyq tósenishteri jóndeýdi qajet etetini jáne sahna aınalasyndaǵy sý burqaqtyń jabyndary, temir búrikkishteri (korrozııa saldarynan shirigeni), jasyl jelekterdi sýǵarý júıeleriniń jaramsyz bolǵandyǵy, demeýshiler qarjysyna salynǵan túngi jaryq shamdarynyń jer asty kabelderiniń úzilip, talapqa saı kútip ustaý jumystaryn atqarý múmkin emestigi belgili bolǵan.

"Sol sebepti, 2019 jyly Shymkent qalasynyń energetıka jáne kommýnaldyq sharýashylyq basqarmasy tarapynan "Shámshi álemi" gúlzaryn abattandyrý jumystarynyń smetalyq qujattary ázirlenip, usynylǵan. Joba quny 207,0 mln teńge. Kúrdeli jóndeý jumystaryn júrgizýshi bas merdiger — "Shymkent spes.kompleks" kompanııasy. Joba boıynsha plıtalyq tósenishterdi tolyqtaı jańartý, sýǵarý júıesin almastyrý (tik uńǵyma qazý), qosymsha kórkeıtý elementterin ornatý jáne ózge de jumystardy atqarý josparlanǵan. Búginde "Jumyspen qamtýdyń jol kartasy» baǵdarlamasymen respýblıkalyq qazynadan 207 mln teńge qarjy bólindi. Munda qazir 52 azamat jumys jasap júr. Jóndeý jumystary qyrkúıek aıynda aıaqtalyp qalady. Sondyqtan aqshanyń joq kezinde jańa alleıany buzyp, qaıta saldy degen túsinik bolmaýy tıis. Bul qarjyny bólýdegi túpki maqsat, jergilikti jerde jumys oryndaryn ashý", — deıdi Shyńǵys Muqan.

Búginde jaýaptylar jóndeý jumystaryn 3 aımaqqa bólgen. Alǵashqysy "Shámshi alleıasy", neke saraıy jáne kól aýmaǵy. Alaıda úsh aýmaq ta jóndeýdi talap etedi. "Shámshi alleıasynda" tósenishter almastyrylyp, juldyzdar alleıasy men qoldanystaǵy eskertkishter ózgerissiz qalady.

Jalpy bıyl qalany abattandyrý maqsatynda, osy jumystarmen qatar, "Chernobyl" gúlzaryn abattandyrý, "Ál-Farabı alańyndaǵy gúlzardy" abattandyrý, Qajymuhan atyndaǵy stadıon aýmaǵyndaǵy "Sport" stansııasyn abattandyrý jáne Qaıtpas -1 shaǵyn aýdanyn, Qasiret shatqalyn kógaldandyrý jumystary josparlanyp (5 joba), qurylys jumystary bastalǵan.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar