Qurylysy uzaqqa sozylǵan nysandardyń bir bóligi ınjenerlik jeliler men kommýnıkasııalar, joldar, jaryqtandyrý, áleýmettik nysandar jáne t.b. joq aýdandarda ornalasqan, dep jazdy qala ákimi Altaı Kólginov óziniń ınstagram paraqshasynda.
“Qurylys jumystarymen birge nysandy barlyq jelilerge qosý boıynsha jumystar da júrgiziledi. Sondaı-aq, eldi-mekenge qarasty aýmaq qurylysyn salýdy josparlap otyrmyz. Ádette, qurylysy uzaqqa sozylǵan nysandardaǵy mysal úshin bir páter eki-úsh adamǵa satylyp ketedi. Ondaı jerlerge ınvestorlar kelgisi kelmeıdi. Biz solarǵa tartymdy bolýy úshin donor-ýchaskeler usynamyz. Búgingi tańerteńgilik aralaý kezinde "Hazar" (Zagreb), "Kýrshavel", "Talısman" nysandarynyń qurylys barysymen tanystym. Olarda donor-nysandar bar”,- dedi A.Kólginov.
Ákimniń aıtýynsha, "Kýrshavel" turǵyn úı kesheni boıynsha barlyq qujattar daıyndalǵan, onyń ishinde tirek konstrýksııalaryn nyǵaıtý boıynsha qujattar da bar. Endi nysan qurylysyn jalǵastyrýǵa qarjy bólýge bolady.
“”Hazar” (Zagreb), "Talısman" keshenderinde qurylys jumystary belsendi júrip jatyr. "Hazar" TK (Zagreb) perspektıvaly aýdanda ornalasqan. "Talısman" keshenin qalamen qosý úshin kópir qurylysy boıynsha jumystar aıaqtalýda, turǵyndarǵa qonystandyrý kezinde jumysqa barý ońaıyraq bolady jáne t. b. Árbir úlestik qurylys nysany aıaqtalady”,- dep atap ótti Altaı Kólginov.
