Aımaqtar • 05 Tamyz, 2020

Eki keshtiń arasynda Almatynyń ákimi epıdemııalyq jaǵdaıdy baıandady

4427 ret kórsetildi

Búgin Almaty qalasynyń ákimi Baqytjan Saǵyntaev almatylyqtarǵa qazirgi epıdemıologııalyq ahýal jáne COVID-19-ben kúresý sharalary týraly baıandady.

"Almaty" TK Akimat Live baǵdarlamasy efırinde  qala ákimi B.Saǵyntaev koronavırýstyq ınfeksııanyń taralýyna jol bermeý jónindegi ózekti suraqtarǵa jaýap berdi.

Bıylǵy 5 tamyzdaǵy sońǵy málimetterge sáıkes, Almatyda COVID-19 juqtyrǵandar sany 12641-ge jetti. Táýlik ishinde 176 jańa jaǵdaı anyqtaldy. Búginge deıin barlyǵy 7590 adam emdelip shyqty, bul naýqastardyń 60%-yn quraıdy. Sońǵy táýlikte 504 adam emdelip shyqty. Osy ýaqyt ishinde alǵash ret oń úrdis baıqaldy, onda saýyǵyp shyqqandar sany aýrýhanada jatqandardyń sanynan 3,3 ese artyq.

Barlyq deńgeıdegi dárigerlerdiń úılesimdi jumysynyń arqasynda júzden astam naýqastyń jaǵdaıy turaqtalyp, olar jansaqtaý bóliminen palatalarǵa aýystyryldy.

Vırýs juqtyrǵandardy jedel anyqtaý úshin Almaty qalasynyń ákimi búgingi kúni zertteý jumystarynyń qarqyndy júrgizilgendigin, zerthanalardyń qýattylyǵy 2,5 myńnan 9,5 myńǵa deıin artqanyn, zertteý kóleminiń kúnine 19,5 myńǵa deıin ulǵaıǵanyn atap ótti.

Búgingi kúni shamamen 435 myń zertteý júrgizildi. Iаǵnı, qala turǵyndarynyń shamamen 15-17%-y synaqtan ótti. 100 myń turǵynǵa shaqqanda bul Eýropa elderinde ótkizilgen testileý deńgeıine saı.

«Biz úshin medısına uıymdaryna túsetin júktemeniń naqtyly kórinisin kórý mańyzdy. Iаǵnı, dári-dármekterdiń qajetti qoryn qurý, dárigerlerge túsetin júktemeni esepteý men taǵy basqasy. Bul kórsetkishter barynsha naqty bolsa, KVI-men kúrestiń pármendiligi artady», - dep atap ótti B. Saǵyntaev.

Osyǵan baılanysty, 2 kópsalaly aýrýhanalar birtindep qalypty jumys rejımine oralýda, bular №4 jáne №7 qalalyq klınıkalyq aýrýhanalar.

Sonymen qatar, pandemııanyń jańa tolqynyna daıyndyq aıasynda aýyr naýqastar úshin birinshi eshelondaǵy ınfeksııalyq stasıonarlardaǵy tósek-oryndardyń qýattylyǵy 1015-ke ulǵaıady. Sondaı-aq, tamyz aıynyń sońynda 500 oryndy jańa aýrýhana iske qosylady. Qyrkúıek aıynyń ortasyna deıin - 300 oryndy jedel salynatyn juqpaly naýqastar aýrýhanasy, jeke ınvestısııalar esebinen 1 qazanǵa deıin eki qonaqúı bazasynda 215 oryndy tolyqqandy kovıdti klınıkalar iske qosylady.

Qalalyqtardyń suraqtaryna jaýap bere otyryp, B. Saǵyntaev stasıonarlardy ortalyqtandyrylǵan medısınalyq gazben qamtamasyz etý týraly málimet berdi. Al bul 1500 tósek-oryn.

Budan ózge, barlyq kovıdti aýrýhanalarda B jáne V synyptaǵy medısınalyq qaldyqtardy joıý, sonymen qatar toqtaý sýlardy zalalsyzdandyrý júıeleri boıynsha zamanaýı termınaldar salý josparlanǵan.

Sonymen birge, qajetti medısınalyq quraldarmen jabdyqtaý jumystary júrgizilýde. Jyl basynan beri 10,5 myńnan astam apparat satyp alyndy, onyń ishinde 252 О́JJ apparaty, 1050 ottegi konsentraty, 5 KT, 33 rentgen qondyrǵysy. Tamyz aıynyń aıaǵynda jergilikti bıýdjettiń esebinen qosymsha 1050 dana ottegi konsentraty jetkiziledi. Qyrkúıektiń ortasyna deıin – 379 О́JJ apparaty.

Qala ákimi ózin-ózi oqshaýlaý rejımin buzýshy sımptomsyz vırýs juqtyrýshylarǵa qoldanylǵan sharalarǵa jeke toqtaldy. 2020 jyldyń 3 tamyzynan bastap Almaty qalasynda COVID-19 koronavırýs ınfeksııasy taralýyn boldyrmaý úshin qosymsha shekteý sharalary engizildi. Bul KVI dıagnozy rastalǵan adamdardyń ózin-ózi oqshaýlaý sharalary.

Eger PTR-testileýdiń oń nátıjesi anyqtalǵan jaǵdaıda, naýqas adamǵa belgilengen erejelerdi saqtaý týraly habarlama jiberiledi. Oǵan úı karantıni erejelerin buzǵan jaǵdaıda jaýapkershilikke tartylatyny (ákimshilik aıyppuldy qosa) eskertiledi.

Búgingi tańda indet juqtyrǵan 8 sımptomsyz naýqas arnaıy stasıonarǵa oqshaýlandy. 30 AEK kóleminde aıyppul salyndy. Eger olar ózgelerge aýrý juqtyratyn bolsa, onda qylmystyq jaýapkershilikke tartylýy múmkin.

Almaty ákimi B.Saǵyntaev KVI-men kúresýge yqpal etetin sıfrlyq sheshimder týraly habarlady. Mysaly, qoǵamdyq kólikterde «maska rejıminiń» yqtımal buzýshylaryn anyqtaıtyn júıe synaqtan ótkizilip jatyr. Bul jolaýshylar arasyndaǵy áleýmettik qashyqtyqtyń saqtalýyn anyqtaýǵa múmkindik beredi. Sonymen birge dárihanalarda dári-dármekterdiń qansha qalǵandyǵyn anyqtaıtyn qosymsha ázirlendi.

Aıta keterligi, almatylyq baǵdarlamashylar jasaǵan sheshimderdiń biri elimiz boıynsha qoldanýǵa usynyldy. Tótenshe jaǵdaı jáne kúsheıtilgen karantın kezinde almatylyq kásipkerler úshin basty másele – kásiporyndar qyzmetiniń jáne qozǵalystardyń shektelýi boldy. Málimetterdi jınaýdy, óńdeýdi, saqtaýdy jáne jarııalaýdy avtomattandyrý úshin – infoalmaty.kz ıntegrator portaly quryldy.

Bul joba bıznes pen jergilikti atqarýshy organdardyń ózara is-qımylyn úılestirýdiń mysaly bolyp tabylady. Atalmysh tájirıbe búkil respýblıkaǵa taralady.

Oqıǵalardyń odan ári damýy týraly aıta otyryp, Baqytjan Saǵyntaev qalada pandemııa jaǵdaıynda almatylyqtardyń ómiri men densaýlyǵyn saqtaý jóninde naqtyly is-sharalar jospary bar ekenin atap ótti.

Jedel járdem kómegi baǵytynyń jańa modeli jasaldy. Negizgi klınıkalyq-dıagnostıkalyq baǵyttar boıynsha shtattan tys mamandar ınstıtýty quryldy. Jalpy qalalyq zerthanalyq jelini ortalyqtandyrý júzege asyryldy.

«Biz qalalyqtardyń densaýlyǵy men qaýipsizdigin qorǵaý jónindegi jospardyń ekinshi kezeńin júzege asyrýǵa ótýdemiz, oǵan kúzgi-qysqy maýsymda bolýy múmkin pandemııanyń ekinshi tolqynyna daıyndyq sharalary enedi. Oshaqtardy baqylaý, juqtyrý tizbesin úzý boıynsha jumystar kúsheıtiledi», - dedi qala ákimi.

Is-sharalardyń qatarynda, beınebaılanys arqyly ózin-ózi oqshaýlaý jaǵdaıynda naýqastyń halin baqylaý jáne baǵalaýǵa múmkindik beretin Telemedısınalyq monıtorıng pen jeńil jáne sımptomsyz COVID-19 juqtyrǵan pasıentterdi qoldaý ortalyǵyn qurý josparlanýda.

Sonymen qatar, ambýlatorııalyq emdeýden ótip jatqan KVI juqtyrǵan pasıentterdi qashyqtyqtan baqylaýǵa arnalǵan mobıldi qosymsha jasaý josparlanǵan.

Psıhologııalyq kómek kórsetý jumystary kúsheıtiledi.
Qoldanystaǵy koll-ortalyqtyń negizinde COVID-19-dan jazylyp shyqqan pasıentterge jáne olardyń týystaryna psıhologııalyq qoldaý tobyn qurý josparlanǵan.
Qabyldanǵan sharalar qaladaǵy pandemııanyń barysy men damýyna áser etýi múmkin yqtımal qaýipterdiń aldyn alýǵa baǵyttalǵan.

Áńgimeni qorytyndylaı kele, Almaty qalasynyń ákimi Baqytjan Saǵyntaev qala turǵyndaryn jaýapkershilikke, bir-birine qurmetpen qaraýǵa shaqyrdy. Qalanyń ádettegi ómir yrǵaǵyna jaqyn arada oralýy osyǵan baılanysty.

Sońǵy jańalyqtar

Adaldyq pen senim bastaýy – ashyqtyq

Saıasat • Búgin, 08:23

Investısııa tartý boıynsha keńes ótti

Ekonomıka • Búgin, 08:22

QOLDA baǵdarlamasy kómek kórsetti

Qoǵam • Búgin, 07:56

Polısııa qyzmetkerleri qan tapsyrdy

Aımaqtar • Búgin, 07:54

«Barys» muzaıdynǵa qashan oralady?

Hokkeı • Búgin, 07:46

Bekzada óner, batyr Bekzat

Sport • Búgin, 07:45

Shyńdar shaqyrady

Týrızm • Búgin, 07:42

Kemeńger jáne senim keńistigi

Abaı • Búgin, 07:36

Aqyldyń keni

Abaı • Búgin, 07:34

Túrmedegiden túńilmeıik

Qoǵam • Búgin, 07:33

Jastarǵa kerek zamanaýı bilim

Bilim • Búgin, 07:19

Termınologııa tezge túsýge tıis

Rýhanııat • Búgin, 07:07

Sańyraýqulaqty qaldyqsyz óndirýde

Tehnologııa • Búgin, 07:02

Shaǵyn aýyldardyń úlken máselesi ­

Aımaqtar • Búgin, 07:00

Syrqatpen kúreste sergek

Medısına • Búgin, 07:00

Sońǵy salto

Qoǵam • Búgin, 06:55

Internasıonalmen qoshtasatyn kez keldi

Oqıǵa • Búgin, 06:49

Kópjaqtylyqqa oralý

Álem • Búgin, 06:46

Kovıdnomıka tujyrymy

Álem • Búgin, 06:44

Bilim bulaǵyn bitemes bolar

Rýhanııat • Búgin, 06:40

El ekonomıkasyna serpin beretin ulttyq joba

Ekonomıka • Búgin, 06:35

Tótenshe jaǵdaı utqyrlyqty talap etedi

Qazaqstan • Búgin, 06:26

Mennıdiń taǵy bir márttigi

Kásipqoı boks • Keshe

Uqsas jańalyqtar