Vıdeo • 06 Tamyz, 2020

Hankóldiń aspanynda «ushqan adam»

7225 ret kórsetildi

«Osydan on shaqty kún buryn, dálirek aıtqanda 23 shilde saǵat 12:37 shamasynda Qaratóbe aýdany Hankól aýylynyń mańynda tylsymǵa bergisiz oqıǵa bolypty», dep habarlady oraldyq áriptesimiz, ólketanýshy Nurtas Safýllın.

Tosyn oqıǵany qarató­belik Ekpin Tinálıev esimdi aza­mat baıqap qalyp, bıikte qa­lyq­tap ushqan adamnyń beı­nesin qashyqtan bolsa da uıa­ly telefonyna túsirip úlgeripti.

– Azamat esimdi tanysym ekeýmiz Hankólge jaqyn ornalasqan sharýashylyq basyna taıap qalǵan edik. Kenet 100 metrdeı qashyqtan, jol jıegine jaqyn tustan tik kóterilgen bir beı­neni kózim shalyp, máshı­ne júrgizip kele jatqan Aza­matqa «drondy qara!» de­dim. Ol kórgen boıda «joq, bul dron emes» dep senimdi sóı­ledi. Sóıtkenshe aldyńǵy jaǵymyzdan kóringen beı­ne­niń tusyna ja­qyndap ta qaldyq. Kádimgi adam. Kóte­rilgen bıiginde, bir orynda azy­raq qalyqtap turdy da, Hankól aýylynyń baǵytyna qaraı ushyp kete bardy. Aýada adymdaǵandaı qımyl jasap bara jatqan adamnyń beı­nesi anyq kórindi. Sol ush­qan­nan Hankól aýylynyń ústinen ótip, ábden uzap, bir núktege aınalyp, kózge kó­rinbeı ketkenshe qarap tur­dyq. Alǵashqy sátterde tele­fonǵa jarmasyp, beıneni anyq­tap túsirý oıymyzǵa kel­mepti. Biraq keıin uıaly tele­fonymnyń kamerasyn ba­rynsha jaqyndatyp alatyn babyna keltirip, alystan bolsa da túsirip úlgerdim. Ǵy­lymy damyǵan shetelderde adamdar shaǵyn qurylǵylar, mysaly, «Flyboard Air» apparaty arqyly usha alatyn múm­kin­dikke ıe boldy ǵoı. Men álgi beıneni sondaı qurylǵymen bıikke kóterilgen adam eken dep qaldym. Biraq men kór­gen ondaı qurylǵylarǵa adam qos aıaǵyn teń ustap, minip turatyn. Álginiń aýada adym­daǵandaı qımyl jasap bara jatqanyna túsine almaı ań-tań boldyq, – deıdi kútpegen jaǵdaıǵa kýá bolǵan Ekpin Batyrhanuly.

«Bul oqıǵany ózge bireý aıt­sa sener me edim, senbes pe edim... Biraq Ekpin degen jerles azamat bolǵan oqı­ǵany boıamasyz sýretteı alatyn, sóz qadirin tú­sinetin, sal­maqty jigit. О́z basym onyń baıan­daǵan oqıǵasyna kú­mánsiz sen­dim», dep otyr Nur­tas Nábıollauly.

 

Batys Qazaqstan oblysy

 

Sońǵy jańalyqtar

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar