Aımaqtar • 06 Tamyz, 2020

Sharalar tıimdiligi boıynsha top bastap tur

13 ret kórsetildi

Qazaqstanda COVID-19 ındıkatorlary boıynsha óńirler arasyndaǵy kezek­ti aralyq reıtıng ótti. Bul týraly málimdegen óńirlik qoǵamdyq kommýnıkasııa orta­ly­ǵy­nyń habarlaýynsha, Mańǵystaý oblysy 18 kórsetkishtiń 16-syna qol jetkizgen, al bir kórsetkish qazirgi tańda júzege asyrylýda.

Kún saıyn óńirlerdegi júrgizilip jatqan sharalardyń tıimdiligin anyqtaý úshin 17 ındıkator bo­ıynsha monıtorıng júrgiziledi. Bul ındıkatorlardyń arasynda tek qana COVID-19 syrqaty boıynsha ǵana emes, sonymen qatar testileýmen qamtylǵan halyqtyń sany, COVID-19 syrqatyn anyqtaýǵa arnalǵan testileýdiń tıim­di­ligi, reanımasııalyq bólimshelerdegi oryn­dardyń tolyqtyǵy, aýrýhanalardaǵy oryndar qorynyń jaı-kúıi jáne ózge de málimetter qamtylǵan. Budan ózge halyqtan túsken aryz-shaǵymdardyń ýaqtyly qaralýy, koronavırýs ınfeksııasymen kúres sharalaryn halyqtyń jaǵymsyz jaǵynan qabyldaýynyń deńgeıine qatysty tarmaqtar da bar. Osy ındıkatorlar boıynsha Mańǵystaý oblysy «jasyl» deńgeıge qol jetkizip otyr. Bul qaıtys bolǵandardyń sany jáne oksıgenoterapııa TIK boıynsha kórsetkishterden basqasy bolyp esepteledi, sońǵy tarmaq júzege asyrylý barysynda.

Aıta keterligi, búgingi tańda Mańǵystaý oblysynda eki ınfeksııalyq aýrýhana bar. Olardyń biri 1970 jyly, al ekinshisi 1981 jyly salynǵan. Qazirgi tańda olardyń tozý kórsetkishi 80% jáne 100%-dy qamtyp otyr. Degenmen bul medısınalyq mekemeler ınfeksııalyq qaýipsizdik standarttaryna saı ekenin atap ótý lázim. Sonymen qatar munaıly ólkege 200 kerýetten turatyn taǵy bir aýrýhana qajettiligi baıqalýda. Quzyrly oryn­dar­dyń málimetine súıensek, atalǵan aýrýhananyń qu­rylysy, tehnıkalyq jáne medısınalyq jab­dyq­talýy 5,5 mlrd teńgeni quraıdy dep boljanýda.

 

Mańǵystaý oblysy

 

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar