Aımaqtar • 06 Tamyz, 2020

Jańa aýrýhana salynyp jatyr

23 ret kórsetildi

Oblysta keıingi eki apta ishinde ja­ńadan indet juqtyrǵandar sany 5 esege azaıdy. Densaýlyq saqtaý bas­­qar­masy stasıonarlarlyq gos­pıtal­­dar­daǵy naýqastardyń 78%-ǵa qys­qar­ǵany týraly málimet berip otyr. Epı­demııalyq ahýal turaqtana bas­­taǵan soń, oblys ortalyǵyndaǵy «Dos­tyq profılaktorııalyq mekemesi men psıhonevrologııalyq dıspanser, sondaı-aq temir jol aýrýhanasy janynan ashylǵan provızorlyq stasıonarlar da jumysyn toqtatqan.

Soǵan qaramastan Qostanaıda maman­dan­dyrylǵan jańa emdeý meke­me­siniń qurylysy bastaldy. Bul týraly óńirlik jedel shtab otyrysynda oblys ákimi Arhımed Muhambetov aıtty.

– Bıyl qazan aıynyń 1-ine deıin Qostanaı qalasynda 200 oryndyq ın­fek­sııalyq aýrýhana paıdalanýǵa beri­ledi. Qazir Oral kóshesiniń boıynda qurylys júrip jatyr. Aldaǵy eki aı­dyń ishinde tolyq salynyp bitedi, – dedi aımaq basshysy.

Jańa aýrýhanany dáriger mamandarmen qamtý máselesi de rettelip qoıǵan. Bıyl oblysqa ózge óńirlerden 240 dáriger keledi. Aımaqqa jas mamandardy kóptep tartý maqsatynda olarǵa beriletin kóterme aqy kólemi de ósken. Buǵan deıin 1,5 mln teńge kólemindegi kóterme aqy tek aýylǵa baratyn dárigerlerge ǵana berilip kelse, bıyldan bastap qalalyq mekenderdegi medısınalyq mekemelerge jumys isteýge kelgen mamandarǵa da 1 mln teńgeden qoldaý kórsetiletin bolady.

 

 Qostanaı oblysy

 

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar