Ekologııa • 06 Tamyz, 2020

Jarkent qalasyndaǵy jaǵymsyz ıis máselesi sheshiledi

24 ret kórsetildi

Ekologııa mınıstrligi Almaty oblysynyń Jarkent qalasyndaǵy jaǵymsyz ıis máselesin sheshedi, - dep habarlaıdy Egemen.kz atalǵan mınıstrlikke silteme jasap.

Jergilikti turǵyndar zaýyttyń tazartý qondyrǵylarynan aýaǵa taraıtyn jaǵymsyz ıiske birneshe ret shaǵymdanǵan. Ekologııa mınıstrliginiń arnaıy komıssııasy óńirdegi máseleni sheshý úshin Jarkentke attandy.

"Biz qoqys jınalatyn súzý alańdaryn aralaǵan kezde, irkilip qalǵan lastaýshy zattardyń baryn anyqtadyq. Odan keıin jergilikti qoǵamdastyq ókilderimen kezdesip, zaýytty araladyq. Bar másele onyń jeke qoqys tazartý qurylǵysynsyz jobalanǵanynda. Qalalyq, kommýnaldyq tazartý nysandaryna sengen. Alaıda, 2018 jyly qalalyq kollektor lastaýshy zattardyń kóptiginen, kásiporynǵa óz qyzmetin usynýdan bas tartqan. Kollektor ol kólemge shydas bermegen. Sondyqtan kompanııa kollektoryn salǵanmen, qaldyqty tazartpaı, tikeleı, súzý alańyna qubyr arqyly jibergen", - deıdi QR EGTRM Ekologııalyq retteý jáne baqylaý komıtetiniń tóraǵasy Zulfyhar Joldasov.

Nátıjesinde júgeri óńdeýden qalǵan qaldyqtyń kóp bóligi súzý alańynda byjyp, búlingen ıis shyǵa bastaǵan. Sóıtip, kúkirtsýtek shyǵaryndysy paıda bolǵandyqtan, jergilikti turǵyndar budan zardap shegýde.

Ekologııa mınıstrligi júrgizgen tekserý barysynda kásiporynnyń tıisti ekologııalyq saraptamasyz jumys istegeni belgili boldy. Sol úshin oǵan aıyppul salyndy.

Sonymen qatar Ekologııa mınıstrligi kásiporyndy jaqyn arada tolyqtaı tekserip shyǵý týraly sheshim qabyldap otyr. Shyǵaryndy deńgeıiniń shamadan asýy rastalsa, onda shyǵaryndy tógýge tyıym salýdan bastap, káiporyndy jabýǵa deıin másele qoıylady.

Budan basqa, mınıstrlik kásiporyn shyǵaryndysy tógilgen súzý alańyn qalpyna keltirýdi talap etýde.

Al kompanııa tazartý qurylystarynyń salynyp jatqanyn aıtyp, ony tamyz aıynda iske qosý josparlanyp otyrǵanyn habarlady. Kásiporyn óndiristi óz erkimen ázirge toqtata turady.

О́z kezeginde, Ekologııa mınıstrligi kásiporynǵa jergilikti ákimdikpen birlesip, tazartý nysandarynyń qurylysyn júrgizip, aıaqtaý, odan ári mindetti túrde súzilgen shyǵaryndyny ǵana tastaý, súzý alańyn qalpyna keltirý jónindegi jol kartasyn ázirleý týraly usynys aıtty. Qabyldanǵan sharalar týraly keıin tolyǵyraq habarlanady.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar