Qazaqstan • 06 Tamyz, 2020

Elimizde óńdeýshi ónerkásip salasynda 16 myńnan astam kásiporyn jumys isteıdi

14 ret kórsetildi

Elimizde bıylǵy birinshi jartyjyldyǵynyń qorytyndysy boıynsha óńdeý ónerkásibiniń ósimi 4,8% (5,8 trln teńge) qurady. О́ńdeý ónerkásibiniń negizgi kapıtalyna salynǵan ınvestısııalar kólemi ótken jyldyń sáıkes kezeńimen salystyrǵanda 6,1% ulǵaıyp, 373,1 mlrd teńgege jetti. Bul týraly IIDM baspasóz qyzmetine silteme jasaı otyryp Egemen.kz habarlaıdy.

Álemdi jaılaǵan pandemııanyń saldarynan halyqaralyq saýdaǵa baılanysty shekteýler nátıjesinde óńdeýshi ónerkásip ónimi eksportynyń kólemi qańtar-mamyrda 18,6% azaıyp, 5,2 mlrd AQSh dollaryn qurady.

Sonymen qatar 1 toqsannyń qorytyndysy boıynsha sektorda jumyspen qamtylǵandar sany 601,4 myń adamdy qurap, ótken jyldyń tıisti kezeńimen salystyrǵanda 1,4% artty.

2020 jylǵy 1 shildedegi jaǵdaı boıynsha óńdeýshi ónerkásiptiń 16,4 myń kásiporny jumys isteıdi.

Indýstrııalandyrý kartasy aıasynda, jyl sońyna deıin 17 myńnan astam turaqty jumys orny qurylyp, 160 jobany júzege asyrý josparlanǵan. Birinshi jartyjyldyǵynyń qorytyndysy boıynsha shamamen 900 jumys orny qurylýymen jalpy quny 23,7 mlrd teńgege 4 joba iske qosyldy.

Pandemııa kezinde jeke qorǵanys quraldaryna (JQQ) degen suranystyń artýyna baılanysty 4 jańa joba iske qosyldy. Sondaı-aq, bıyl Shyǵys Qazaqstan oblysynda Aqtoǵaı MО́Z-nyń qaıta óńdeý qýatyn keńeıtý, Jambyl oblysynda mıneraldy tyńaıtqyshtar óndiretin zaýyt salý, Aumola oblysynda jańa óńdeý kesheniniń qurylysy jáne taý-ken baıytý kombınaty qurylysy, Qaraǵandy ​​oblysynda shınalar shyǵaratyn zaýyt salý sııaqty t.b. iri jobalar iske asyrylyp jatyr.

2019 jyly taýarlar boıynsha jergilikti qamtý úlesi 519,8 mlrd.teńgege ulǵaıdy. Memlekettik satyp alý men satyp alýdaǵy jergilikti qamtý úlesin arttyrý maqsatynda Mınıstrlik janynan quramyna ortalyq jáne jergilikti atqarýshy organdar, "Atameken" UKP, "Samuryq-Qazyna" UÁQ" jáne salalyq qaýymdastyqtardyń ókilderi engizilgen jumys toby quryldy. Jumys toby aı saıyn jergilikti qamtý monıtorıngin júrgizedi. Búginde joǵary ımportqa táýeldilik baıqalatyn óńdeý ónerkásibinde jergilikti qamtý úlesin arttyrý maqsatynda jalpy somasy 1,6 trln teńgege 73 jobany iske qosý josparlanýda. Bul óz kezeginde óńdeý ónerkásibiniń ımportyn 2025 jylǵa qaraı 20%  azaıtady.

Jańa jobalardy engizý ishki naryqtaǵy birqatar daıyn taýar pozısııalaryn ulǵaıtýǵa múmkindik beredi. EEO kelisimi aıasynda otandyq óndiris avtomobılderin jáne elektrotehnıkalyq jabdyqtardy Memlekettik satyp alý boıynsha 2 jylǵa basymdyq belgilendi. Budan basqa, memlekettik satyp alýdyń arnaıy tártibi sheńberinde baǵa usynystaryn suratý tásilimen memlekettik satyp alýdy júzege asyrý úshin otandyq taýar óndirýshiler tizbesi bekitildi.

Jer qoınaýyn paıdalanýshylar men olardyń merdigerleriniń qatty paıdaly qazbalardy óndirý jónindegi operasııalardy júrgizý kezinde paıdalanylatyn taýarlardy, jumystar men kórsetiletin qyzmetterdi satyp alý qaǵıdalaryna ózgerister engizildi.

Búgingi tańda Qazaqstanda 13 arnaıy ekonomıkalyq aımaq (AEA) jumys isteıdi. Olarda 23 myńnan astam jumys orny quryldy. Bıýdjetke salyq túsimi 180 mlrd. teńgeni qurady. О́nim óndirý kólemi 2,9 trln teńgeni qurady. Barlyq AEA ınfraqurylymyn salýǵa arnalǵan bıýdjettik shyǵyndar 344 mlrd teńgeni qurady. Bul rette óńdeý ónerkásibine tartylǵan ınvestısııalar kólemi shamamen 1,1 trln teńgeni qurap, bıýdjetten bólingen 1 teńgege 3 teńgeden astam jeke ınvestısııa tartyldy.

AEA tıimdiligin arttyrý úshin úsh jyldyq kezeńge arnalǵan damý strategııalaryn pysyqtaý júrgizilýde,sondaı-aq 3 AEA-nyń aýmaqtary keńeıtildi. Jeńil ónerkásipti damytý úshin «Ońtústik» AEA aýmaǵyn keńeıtý máselesi qarastyrylýda. AEA qyzmetiniń jańa túrleri engizilip, 20-dan astam jańa basym túrin engizý pysyqtalýda. Zańnamalyq aktilerge túzetýler daıyndaldy. «Qorǵas» ShYHO AEA tıimdiligin arttyrý boıynsha keshendi jospar ázirlenýde.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar