Koronavırýs • 06 Tamyz, 2020

DDU sarapshylary mektepterdi ashýǵa asyqpaý kerektigin eskertti

1835 ret kórsetildi

Álemde koronavırýs juqtyrǵan adamdardyń sany 18 mıllıonnan asty, al kúndelikti jańa jaǵdaılardyń sany 250 myńǵa jýyqtaıdy. Dúnıejúzilik densaýlyq saqtaý uıymy (DDU) áleýmettik jelide kóp kóteriletin máseleler boıynsha shuǵyl jıyn ótkerdi, - dep habarlaıdy Egemen.kz.

Jıyn barysynda belgili bolǵandaı, DDU sarapshylary jańa koronavırýsty zertteıtin ortalyqtarmen,  ǵalymdarymen baılanysty úzgen emes.   Qoldaǵy málimetterdiń qoryndysy ınfeksııanyń negizgi taralý  kózi derttengen  adam ekenin taǵy da dáleldedi. "Infeksııa qaýpiniń dárejesi eki faktorǵa baılanysty, fızıkalyq jaqyndyq jáne araqashyqtyq. Baılanys neǵurlym uzaq bolsa, ınfeksııanyń qaýpi soǵurlym joǵary bolady. Eger aýrý adam maska kıse, ol basqalarǵa onsha qaýip tóndirmeıdi", - deıdi DDU sarapshylary.  

DDU sarapshylary  adamdar qalypty ómirge oralýǵa tyrysatynyn túsinetinnin,  jastardyń sporttyq oıyndarǵa taǵy da qatysqandaryn qalaıtynyn taǵy da ashyp ótipti. Biraq qaı jerde júrse de  fızıkalyq qashyqtyqty saqtaýdy umytpaý qajettigin, bul  ınfeksııanyń taralýyn boldyrmaýǵa bolatyn jalǵyz ádis ekenin eskertipti.

Sonymen qatar BUU sarapshylary jas balalardyń ádette ınfeksııaǵa onsha beıim emestigin jáne olar ınfeksııanyń belsendi tasymaldaýshysy bolyp kórinbeıtinin, al úlken jastaǵy balalar "aýrýdyń taralýyna kóbirek qatysady" dep atap kórsetti.

Sondaı-aq  DDU mamandary mektepterdiń de balalardyń qaýipsizdigine 100 paıyz  kepildik bere almaıtynyn, balalarǵa qatysty zorlyq-zombylyq keı jaǵdaıda mektep aýlalarynda bolyp jatanynyn da eske salyp ótipti. "Vırýstyń taralýy baqylaýǵa alynǵan jerlerde mektepter ashylýy múmkin, bul jerde jaǵdaıdy baqylaý múmkindigi týraly aıtyp otyrmyn. Alaıda COVID-19 baqylaýy álsiz aımaqtarda mektepter ashylsa, jaǵdaı aıtarlyqtaı nasharlaıdy", deıdi DDU sarapshysy Maık Raıan.

Maık Raıan  balany mektepke jibermes buryn barlyq aqparatty, sonyń ishinde mektep ǵımaratynyń aýdany, oqýshylar sany jáne osy aımaqtaǵy epıdemıologııalyq jaǵdaıdy eskerýge shaqyrdy.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar