Erlan Áýkenov óziniń jumys saparyn Shymkentten bastady jáne eń aldymen №2 arnaýly áleýmettik qyzmetter kórsetý ortalyǵy men №6 balalar arnaýly áleýmettik qyzmetter kórsetý ortalyǵyna bardy.
Ortalyq basshylyǵy vıse-mınıstrge qyzmet alýshylardyń koronavırýstyq ınfeksııany juqtyrýyna jol bermeý boıynsha qabyldanyp jatqan sharalar týraly baıandady. MÁM-ge týystary men jaqyndaryna kelýge tyıym sala otyryp, karantın engizildi; buqaralyq, mádenı jáne basqa da is-sharalardy júrgizý toqtatyldy; sanıtarııalyq-epıdemııaǵa qarsy is-sharalar turaqty túrde júrgiziledi; qamqorlyqqa alynǵandardyń densaýlyq jaǵdaıy táýlik boıy baqylanady; sanıtarııalyq-dezınfeksııalyq rejım jáne áleýmettik qashyqtyq saqtalady; barlyq qyzmetkerler men qyzmet alýshylar jeke qorǵanysh quraldarymen (maskalarmen, qolǵaptarmen, antıseptıkalyq spreılermen) qamtamasyz etilgen.
Budan basqa, Eńbekmıni usynymdaryn oryndaý sheńberinde qyzmet alýshylar men Ortalyq qyzmetkerleri koronavırýstyq ınfeksııanyń bar-joǵyna tekserildi.
Qabyldanǵan sharalar MÁM qamqorlyǵyndaǵy adamdardy COVID-19 juqtyrýyna jol bermeýge múmkindik berdi.
Bul rette qyzmet alýshylardyń týystary olarmen jáne medısınalyq personalmen beınebaılanys rejıminde baılanysa alady.
Kúndizgi jartylaı stasıonardyń qyzmet alýshy balalarynyń kóbisiniń karantın kezinde úıde defektologtarmen, logopedtermen, psıhologtarmen jáne EDSh nusqaýshylarymen onlaın-rejımde jattyǵýǵa múmkindigi bar.
Ortalyqtarda turatyn bólmelerdi, medısınalyq kómek kórsetý, tamaq ishý oryndaryn, oıyn alańdaryn jáne t. b. 100% qamtıtyn jańa beınebaqylaý júıesin ornatý boıynsha jumys aıaqtalýda.
«Mınıstrlik tarapynan kórsetiletin qyzmetterdiń sapasyn jaqsartý maqsatynda biz jergilikti atqarýshy organdarǵa barlyq MÁM-di ınternetpen qamtamasyz etý boıynsha usynystar berdik. Elimizde jumys isteıtin 113 MÁM-niń 74-inde WI-FI qosylǵan. Sonymen qatar, bizdiń usynystarymyz boıynsha 113 mekemede qoǵamdyq keńester quryldy. MÁM-niń barlyǵynda áleýmettik jelilerde akkaýnttar paıda boldy. 95 MÁM-niń bıýdjetteri erkin qol jetimdilikte jarııalandy. Basshylyq pen qyzmetkerlerdiń qamqorlyqtaǵylardyń týystary men jaqyndarymen tyǵyz baılanysy qalyptasqan», – dedi Erlan Áýkenov.
Jumys sapary barysynda vıse-mınıstr sondaı-aq karantındik sharalardyń saqtalýyn jáne Túrkistan jáne Jambyl oblystarynyń, Almaty qalasynyń MÁM-de barlyq usynymdardyń oryndalýyn tekseredi.
