Sport • 06 Tamyz, 2020

Vıtalıı Hýdıakov Ystyqkóldi rekordtyq kórsetkishpen júzip ótti

19 ret kórsetildi

Tokıo Olımpıadasy joldamasynyń ıegeri, birneshe dúrkin Azııa chempıony Vıtalıı Hýdıakov Ystyqkóldi júzip ótti. 56 shaqyrym qashyqtyqty júzip ótken ol bul áreketin Tokıodaǵy Olımpıada oıyndaryna arnaǵan. Sebebi 5 tamyz kúni tórtjyldyq dodasynda ashyq sýda júzýden jarys bastalýy tıis bolatyn. Bul týraly Olympic.kz-ke silteme jasaı otyryp Egemen.kz habarlaıdy.

Hýdıakov besinshi tamyz kúni Sholpan-Ata ýaqytymen 5:15-te júzýdi bastap, Kadjı-Saıa jaǵajaıyna jetti. Sýdyń tempertarýasy 18-19 gradýs, al jalpy qashyqtyq 56 shaqyrym. Ystyqkóldegi eń tereń jer 523 metrdi quraǵan. Jalpy alǵanda, Vıtalıı Hýdıakov Ystyqkóldi 13 saǵat 18 mınýtta júzip ótti. Atalǵan ýaqyt pen qashyqtyqty Qyrǵyzstan júzý federasııasynyń ókili Ahmet Anarbaev tirkegen. 

"Mundaı nátıje kórsetkenime qýanyshtymyn. Daıyndyq bekerge ketpedi. Kelesi jyly ótetin Olımpıada oıyndarynda jankúıerimdi qýantamyn degen úmit bar", deıdi Hýdıakov.

Sportshynyń ákesi ári jeke bapkeri Evgenıı Hýdıakov Olympic.kz saıtyna suhbat berdi.

"Byltyr Vıtalıı Tokıodaǵy Olımpıada oıyndaryna joldama aldyq. Vıtalıı ekeýmiz Olımpıadaǵa arnalǵan erekshe oqıǵa daıyndaǵymyz kelip, Ystyqkóldi júzip ótý kerek dep sheshtik.  Álemdegi qazirgi jaǵdaı bolmaǵanda, osy kúni Olımpıada oıyndarynda baq synap jatar edik. Shynymdy aıtsam, júzý kezinde Vıtalıdi tórt ret toqtatqym keldi. О́ıtkeni, ulym úshin qatty ýaıymdadym. Biraq ol sońyna deıin shydap, este qalarlyq nátıje tirkep otyr. Daıyndyqty jazda, qysqa shaqyrymdardan bastadyq. Júzý bastalatyn kúni Vıtalıı bárine de daıyn boldy. Sol sebepti, osyndaı jetistikke jetip otyr. Onyń bul kórsetkishimen maqtanamyn, kelesi jyly Olımpıada oıyndarynda jankúıerlerdi qýantamyz dep senemin", deıdi sportshynyń bapkeri.

Aıta ketelik, Vıtalıı Hýdıakov Aqtóbe oblysynyń atynan synǵa túsedi. Halyqaralyq dárejedegi sport sheberi. Ol tórt ret Azııa chempıonatynda top jarǵan (2013, 2017, 2018, 2019). Sondaı-aq, 2014 jáne 2016 jyldary Vıtalıı Hýdıakoy Jaǵajaı oıyndarynda jeńiske jetken. Álem chempıonatyndaǵy eń úzdik nátıjesi – jetinshi jáne toǵyzynshy oryn.  2016 jyly Rıo Olımpıadasynda baq synady. Qazirgi sátti Hýdıakovtiń qorjynynda Tokıo Olımpıadasynyń joldamasy bar.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar