Aımaqtar • 06 Tamyz, 2020

"Manıak shyqty" dep eldi dúrliktirgen turǵyn esh jazasyz ketti

48 ret kórsetildi

Qazir kóptegen adamdardyń qoǵam aldyndaǵy jaýapsyzdyǵynyń shekten shyqqan kezeńi bolyp tur. Sonyń ishinde bireýge degen ókpesin onyń sýretin áleýmettik jelide "bul manıak" dep feık jarııalaý arqyly kek alǵandar da shyǵyp jatyr.  Sondaı ábes qylyqty jýyrda Soltústik Qazaqstan oblysyndaǵy Mamlıýt aýdany ortalyǵynyń bir turǵyny jasaǵan.

Halyqtyń dúrligip, shoshynatynyn, sonyń ishinde júregine tosyn salmaq tússe aýyryp nemese tipti talyp qalatyn jaǵdaıǵa ushyrap qalatyny barlaryn oılamaǵan aqylsyz áıel óziniń tanysynyń sýretin WhatsApp jelisine salyp, astyna: "Saq bolyńyzdar! Mamlıýtka qalasynda, jumysshy kentinde manıak paıda bolypty, keshkilikte ol óz qurbanyn ańdıdy. 2020 j. 30.07. jas boıjetkenniń sońynan qýǵan, abyroı bolǵanda, qashyp qutylǵan. Buryn qylmystyq jaýapkershilikke tartylǵan" (Mátin ózgerissiz keltirilgen) degen sózder jazǵan.

Bul sýyq habar aýdandyq polısııa qyzmetkerlerine jetken soń shuǵyl qımyldaǵan saqshylar habarlamanyń avtoryn tez arada tabady. Ol aýdan ortalyǵynyń 27 jasar áıel turǵyny eken. О́zgeni de, qoǵam aldyndaǵy jaýapkershilikti de oılamaı, tek ózin ǵana oılaǵan ol 1982 jyly týǵan tanysynyń sýretin salyp, joǵaryda aıtylǵan mátindi vatsappen taratqan...

Onyń isi Ákimshilik quqyq buzýshylyq týraly kodekstiń 73-shi babyndaǵy "Jala jabý" baby boıynsha aıyptalyp, ákimshilik sot otyrysy bolǵan. Nátıjesinde jábirlenýshi talap-aryzynan bas tartyp, áıelmen tatýlasýǵa kelisipti. Al aqparattyń jalǵan ekendigi polısııa bóliminiń 20 qyzmetkeriniń kúshimen 2-3 saǵat boıy WhatsApp messendjerinde tirkelgen aýdan ortalyǵynyń barlyq toptaryna jetkizilgen.

Sóıtip jalǵan habar taratýshy eshqandaı jazasyz ketti. Jábirlenýshi talap-aryzynan bas tartqan soń solaı bolady. Al "manıak júr" degen dabyldan shoshyp, qanshama adamnyń qorqyp-úrikkeni, sonyń kesirinen densaýlyqtaryna zalal kelgeni úshin eshqandaı jaza berilmeıdi. Ondaıdy bizdiń solqyldaq zańdarymyz eskermegen.

Soltústik Qazaqstan oblysy

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar