Qoǵam • 06 Tamyz, 2020

USAID Ortalyq Azııadaǵy AITV-nyń "Flagman" baǵdarlamasyn aıaqtady

18 ret kórsetildi

Búgin AQSh-tyń halyqaralyq damý jónindegi agenttigi (USAID) Ortalyq Azııadaǵy AITV boıynsha sátti bolǵan "Flagman" baǵdarlamasyn aıaqtady, - dep habarlaıdy Egemen.kz.

Qazaqstanda baǵdarlama aıasynda AITV-ǵa testileý, AITV taldaýy oń nátıje bergen adamdar men áleýmettik qyzmetter arasynda baılanys ornatý, sondaı-aq Shyǵys Qazaqstan jáne Pavlodar oblystarynda ózdiginen testileýdi engizý kózdelgen edi.

Jańa AITV ınfeksııasyn juqtyrý jaǵdaılarynyń sanyn azaıtý jáne AITV-dan qaıtys bolý deńgeıin tómendetý úshin USAID eldegi AITV ınfeksııasynyń ósý qarqyny eń joǵary Shyǵys Qazaqstan jáne Pavlodar oblystarynda jumystar atqardy. Sońǵy bes jylda USAID 10 000 adamdy AITV-ǵa tekserdi, olardyń 600-ge jýyǵy ózderiniń oń AITV-statýsy týraly bildi. Osy jobanyń arqasynda AITV taldaýy oń nátıje bergen taǵy 3000 adam ómirlik qajetti em qabyldaı bastady. Atalǵan sharalar Qazaqstanǵa "IýNEIDS 90-90-90 maqsattaryna" qol jetkizýge kómektesedi, bular keleshek urpaq úshin barynsha salaýatty álemniń negizin qalap, bizdi JITS indetimen kúrestiń aıaqtalýyna jaqyndatady.

"Qazaqstan Úkimeti aımaqtaǵy AITV/JITS-ke qatysty máselelerge basshylyq etip, olarmen kúresý sharalarynyń kóp bóligin qarjylandyrady. Qazaqstanmen birge jumys istegen kezde qyzmetimizdiń ekonomıkalyq tıimdi ári nátıjeli bolýyn maqsat tutamyz. "Bizge odan ári jumys isteý qajet mańyzdy problemalardyń biri stıgmatızasııa bolyp tabylady. AITV-ǵa qupııa testileý múmkindikterin qoldaný problema bolyp qalýda, jáne kóptegen adamdar burynǵysynsha aýyrǵannan jáne ózinde aýrý belgilerin anyqtaǵannan keıin ǵana testileýden ótýde", – dedi Ortalyq Azııadaǵy USAID aımaqtyq mıssııasynyń dırektory Krıstofer Edvards.

"USAID usynǵan Qazaqstandaǵy úkimettik emes uıymdarǵa (ÚEU) arnalǵan halyqtyń negizgi toptary arasyndaǵy jumysty tirkeıtin aqparattyq basqarý júıesi atqarylǵan qyzmetterdiń sapasyn jaqsartýǵa múmkindik beredi. ÚEU olardy basqa jobalarda jáne áleýmettik memlekettik tapsyrystarda belsendi qoldana bastaıdy, bul AITV-men kúresýge azamattyq qoǵamnyń úlesin arttyrýǵa múmkindik beredi", – dedi Densaýlyq saqtaý mınıstrliginiń Qazaq dermatologııalyq jáne ınfeksııalyq aýrýlar ǵylymı ortalyǵynyń dırektory Baýyrjan Baıserkın.

USAID pasıentterdi jeteleýge jáne AITV-ǵa testileýge arnalǵan ınnovasııalyq tásilderdi engizdi. 2019 jyldyń qarashasynan bastap USAID ÚEU arqyly ekspress-testileý men ózdiginen testileý sharalaryn engizýge kómektesti, bul 500-den astam adamdy testileýge múmkindik berdi. Sonymen qatar USAID Qazaqstandaǵy ÚEU-lar úshin halyqtyń negizgi toptary arasynda AITV indetin qadaǵalaý men baqylaýda ustaýǵa kómektesetin aqparattyq basqarý júıesin usyndy. AQSh Úkimeti USAID arqyly 2003 jyldan bastap AQSh Prezıdentiniń JITS-pen kúresý jónindegi Tótenshe josparyna sáıkes qarjylandyrylatyn Qazaqstandaǵy AITV-men kúresý baǵdarlamalaryna qoldaý kórsetedi, munyń eń sońǵy mysaly USAID-tiń Ortalyq Azııadaǵy AITV boıynsha "Flagman" baǵdarlamasy sheńberinde qoldaý kórsetý bolyp tabylady.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar