Qoǵam • 06 Tamyz, 2020

Aqparattyq aǵartý shtaby onlaın jumys júrgizedi

53 ret kórsetildi

Túrkistan oblysynda Sybaılas jemqorlyqqa qarsy is-qımyl agenttiginiń bastamasymen halyqpen syndarly suhbat qurý jáne aqparattandyrý sharalary arqyly tutastyq qaǵıdalaryn keńinen damytý maqsatynda arnaıy qurylǵan oblystyq aqparattyq-aǵartý shtaby jumys isteıdi.

Shtab quramynda tarıhshy, aıtysker aqyn, zańger, jýrnalıst, mádenıet qaıratkeri, aǵa oqytýshy azamattardan quralǵan oblystyń zııaly azamattary  bar. Búginge deıin aqparattyq úgit-nasıhat toby oblys aýmaǵynda memlekettik mekeme qyzmetkerleri jáne aýyldyq okrýgterde sonymen qatar quqyq qorǵaý, densaýlyq saqtaý, bilim berý, sport, mádenıet, kirister salasy mekemelerinde bes myńnan asa azamatty qamtyǵan 70-ke  jýyq kezdesý ótkizdi. Sondaı-aq shtab múshelerimen Kentaý qalasyna qarasty Shornaq jáne Qarashyq aýyldyq okrýgterinde qoǵamdyq qabyldaýlar uıymdastyryldy.

Kezdesýlerdiń negizgi maqsaty – sybaılas jemqorlyqqa qarsy mádenıetti qalyptastyrý jáne qoǵamdaǵy ashyqtyqty qamtamasyz etý, memlekettik organ men qoǵam arasyndaǵy keri baılanysty ornatý jáne keń aqparat taratý arqyly adaldyq, ádildik, parasattylyq qaǵıdalaryn qalyptastyrý ekendigin jan-jaqty túsindirý. Sonymen qatar, tótenshe jaǵdaı kezinde sybaılas jemqorlyq kórinisterin boldyrmaý bolyp tabylady.

Memleket basshysynyń Jarlyǵymen el aýmaǵynda koronavırýs juqpaly dertiniń taraýyna baılanysty engizilgen karantın jalǵasýda. Osyǵan oraı barlyq túsindirý sharalary onlaın rejımde júrgizilýde. Sondyqtan aqparattyq aǵartý shtabynyń da aldaǵy jumys josparyna ózgerister engizilip, memlekettik organdar men mekemelerdiń, densaýlyq saqtaý uıymdarynyń ókilderiniń, halyqty áleýmettik qamsyzdandyrý mekemesi men Polısııa departamentine qarasty mekeme qyzmetkerleriniń qatysýymen turmystyq jemqorlyqtyń aldyn-alý boıynsha aqparattyq kezdesýler onlaın rejımde ótkiziledi. Sonymen qatar, aýdandar men qalalarda aqparattyq aǵartý shtaby músheleriniń qatysýymen kóshpeli kezdesýler, qoǵamdyq qabyldaýlar uıymdastyrý josparlanyp otyr. Túrkistan oblysyndaǵy ákimderdiń ıdeologııa salasyna jaýapty orynbasarlarynyń jáne bilim berý uıymdarynyń basshylarynyń   qatysýymen "Jemqorlyqsyz  qoǵam – senimdi  bolashaq" taqyrybynda onlaın kezdesýler uıymdastyrylatyn bolady. Qazirgi tańda aqparattyq aǵartý shtabynyń jumystary buqaralyq aqparat quraldarynda keńinen jaryq kórýde.  Instagram áleýmettik jelisinen arnaıy paraqsha ashylyp, is-sharalar relızi men fotosýretteri kúndelikti jarııalanýda. Aldaǵy ýaqytta shtab múshelerimen atalǵan baǵyttaǵy jumystar júıeli túrde jalǵasyn tabady.  

Úmbet JÚSIPBAEV,

Túrkistan oblystyq maslıhat depýtaty,

oblystyq aqparattyq aǵartý shtabynyń múshesi.

 

Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar