Qazaqstan • 06 Tamyz, 2020

Elimizdegi áýe kompanııalardyń tabysy 1,5 ese azaıdy

41 ret kórsetildi

Elimizdegi áýe kompanııalardyń tabysy 1,5 ese azaıdy. Bul týraly QazAqparatqa silteme jasaı otyryp Egemen.kz habarlaıdy.

Energyprom.kz málimetinshe, 2020 jyldyń qańtar-maýsymynda elimizdiń áýe kompanııalary 2,3 mln jolaýshy tasymaldady. Bul bir jyl burynǵy kórsetkishten 35,8 paıyzǵa az. Al maýsym aıynda áýe kompanııalary 480,6 myń jolaýshyǵa qyzmet kórsetti jáne karantın kúsheıip turǵan mamyr aıyna qaraǵanda jolaýshylar aǵyny 2,9 esege artty.

2020 jyldyń 1-jartyjyldyǵynda jolaýshylar aǵyny 3,8 mlrd jolaýshy-shaqyrym boldy. Bul bir jyl burynǵy kórsetkishten 1,9 ese kem. Degenmen, maýsymda mamyrǵa qaraǵanda jolaýshylar aǵyny 2 eseden astamǵa artyp, 476,3 mln jolaýshy-shaqyrymǵa jetti. Osy jyldyń qańtar-maýsymynda áýe kompanııalary 9,6 myń tonna júk pen qol júgin tasymaldady. Degenmen, bul da bir jyl burynǵy kórsetkishten 21,9 paıyz az bolyp otyr.

Maýsymda mamyrǵa qaraǵanda júk tasymalynyń kólemi 12,5 paıyzǵa artyp, 1,8 myń tonna boldy. Áýe kompanııalarynyń jarty jyldyń ishindegi kirisi 99,2 mlrd teńgege jetti. Alaıda ótken jyly kompanııalar munan 1,5 ese, ıaǵnı 170,1 mlrd teńge tabys tapqan bolatyn.

Maýsymda áýe kompanııalarynyń kirisi 18,2 mlrd teńgege jetip, mamyrmen salystyrǵanda 2 ese ósim kórsetti. Jalpy áýe kompanııalarynyń negizgi tabysyn jolaýshylar tasymaly quraıdy. Bul kórsetkish jarty jylda 95,1 mlrd teńgeni qurady. Al qalǵan 4,1 mlrd teńge júk pen qol júgin tasymaldaýdan túsken.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar