Qazaqstanda ulttyq jáne memlekettik merekeler eńbek zańnamasyna sáıkes mereke kúni retinde sanalady jáne jumysshylarǵa demalys beriledi. Mysaly, Jańa jyl, Konstıtýsııa kúni, Táýelsizdik kúni jáne t.b aıtýǵa bolady. Buǵan deıin Úkimet "Merekelik kúnderdiń tizimin bekitý týraly" úkimettiń № 689 qaýlysyna tolyqtyrýdy maquldaǵan edi.
"Qazaqstan Respýblıkasyndaǵy merekelik kúnderdiń tizbesin bekitý týraly" Qazaqstan Respýblıkasy Úkimetiniń 2017 jylǵy 31 qazandaǵy № 689 qaýlysyna (Qazaqstan Respýblıkasynyń PÚAJ-y, 2017 j., № 53, 343-qujat) mynadaı tolyqtyrý engizilsin: kórsetilgen qaýlymen bekitilgen Qazaqstan Respýblıkasyndaǵy merekelik kúnderdiń tizbesi: mynadaı mazmundaǵy 22-1-tarmaqpen tolyqtyrylsyn: "22-1. Abaı kúni – 10 tamyz".
Osylaısha, jańa mereke "Shahter kúni", "Otbasy kúni", "Qutqarýshy kúni" jáne basqa da merekeler tizimine engizildi. Sondyqtan Abaı kúni jumysshylarǵa demalys berilmeıdi.
Eske sala keteıik, bıyl elimizde qazaqtyń uly aqyny Abaıdyń 175-jyldyǵy toılanady.
