Elorda • 06 Tamyz, 2020

"Kásipker Ana" jobasynyń qatysýshylary bıznes-ıdeıalaryn júzege asyrýda

12 ret kórsetildi

Áıelder kásipkerligin damytý – memlekettik saıasattyń basym baǵyttarynyń biri. Bul týraly elorda ákimdiginiń resmı saıtyna silteme jasaı otyryp Egemen.kz habarlaıdy.

О́tken jyly Nur-Sultanda iske qosylǵan "Kásipker Ana" jobasyna qazirdiń ózinde jeti júzge jýyq ótinish kelip túsken. Joba mindeti kóp balaly áıelderge, jalǵyzbasty analarǵa, az qamtylǵan otbasylarǵa, sondaı-aq múgedek balalardy tárbıelep otyrǵan analarǵa óz isin bastaýǵa kómektesý. Búgingi tańda jobada onlaın rejimde oqýǵa 1200-den astam ótinim kelip tústi. Alǵashqy irikteýdiń nátıjesinde 500-ge jýyq áıel barlyq talaptarǵa sáıkes keledi, al qazir 200-ge jýyq adam biliktilikterin arttyrýda.

"Instagram arqyly joba týraly bilgen soń jańa bilim, mashyqtar men daǵdylardy ıgerýge sheshim qabyldadym. Men SMM mamany mamandyǵyn tańdaǵanyma ókinbeımin. Bul suranysqa ıe mamandyq. Aýdıtorııany saýatty tartýdy, qysqa, naqty jáne qyzyqty jazýdy úırendim. Úıden shyqpaı-aq, jumys istep, aqsha tabatynyma, balalarymdy asyraı alatynyma senimim nyǵaıdy. Men sııaqty analarǵa kómegi úshin "Kásipker ana" jobasyna alǵys bildiremin", deıdi joba qatysýshysy Jazıra Orynbaeva.

Joba týraly áleýmettik jeliden bilgen Merýert Aǵzamqyzy da óz tájirıbesimen bólisti.

"Jobada bizge paraqshany júrgizýdi, durys satýdy jáne basqa da tásilderdi úıretti. "Kásipker ana" jobasy maǵan tek kopıraıtıng boıynsha trenıngtermen ǵana emes, basqalaı da kóp kómektesti. Jobaǵa bir orynda turyp qalmaı, óz-ózin damytýǵa tyrysatyn men sııaqty analar keldi. Munda týysqandar sııaqty aralasyp, áli de dostyq qarym-qatynasymyzdy úzgen joqpyz. Eger múgedektigi bar balańyz bolsa, ol úshin ońaltýdyń qandaı da bir qorlary bar. Biraq analar úshin mundaı qoldaý, ońaltý joq. Sondyqtan bul joba bizge psıhologııalyq turǵydan kómektesedi. Bul múmkindikti barynsha paıdalanýymyz kerek. Memleket mundaı jobalardy qoldaıdy, óz kezeginde bul jobalar bizdi qoldaıdy", dedi M. Aǵzamqyzy.

Eske salaıyq, oqytý 11 negizgi baǵytta ótedi. Karantın kezinde "Kásipker Ana" jobasy onlaın rejımge kóshti. Munda bolashaq IT jáne SMM mamandary, aspazshylar, grafıkalyq dızaınerler, massajshylar, kondıter aspazdar, psıhologtar jáne basqalar oqytylýda. Jobaǵa kóp balaly, jalǵyzbasty, múgedek balalardy tárbıelep otyrǵan analar qatysa alady.

Sońǵy jańalyqtar

Durys saqtaı almaǵannyń qarýy alyndy

Aımaqtar • Búgin, 18:50

Nur-Sultanda eki bazar salynady

Elorda • Búgin, 16:54

Antalııada Abaı saıabaǵy ashyldy

Rýhanııat • Búgin, 12:00

Aqsaıda sport mýzeıi bar

Aımaqtar • Búgin, 11:50

Qazaqstan ólim jazasyn alyp tastady

Qazaqstan • Búgin, 11:38

Uqsas jańalyqtar