Belgili bolǵandaı, jylytý maýsymy bastalǵanǵa deıin, bıylǵy jyldyń qyrkúıeginde oblystaǵy úsh qazandyqty gaz júıesine kóshirý josparlanyp otyr. Olardyń ekeýi Taldyqorǵanda, bireýi Qapshaǵaıda. Bul maqsatqa 2,6 mlrd teńge bólingen, onyń ishinde "Jumyspen qamtý jol kartasy" baǵdarlamasy aıasynda bólingen 1,5 mlrd teńge de bar. Sóıtip úsh mańyzdy jobanyń ekeýi "JJQ" arqyly júzege asyrylmaq.
Budan bólek Balpyq bı aýylyndaǵy ortalyq qazandyq keńeıtilip, oǵan aǵymdaǵy jóndeý júrgiziledi. Oǵan "Aýyl – el besigi" baǵdarlamasy arqyly 256,5 mln teńge qarastyrylǵan. Sol sııaqty Qarabulaq kenti men Sarqan qalasyna "Jumyspen qamtý jol kartasy" baǵdarlamasy sheńberinde 108,4 mln teńge bólingen. Jalpy qaralǵan qarjy 365 mln teńgeni quraıdy.
Barlyq nysandarda jumystar bekitilgen kestege sáıkes júrip jatyr. Aldaǵy jylytý maýsymyna daıyndyq jumystarynyń tıisti deńgeıde ótýi oblys basshylyǵynyń baqylaýynda.
Eske salsaq, Almaty oblysynda jalpy aldaǵy jylytý maýsymyna daıyndyq úshin jergilikti bıýdjetten 9,9 mıllıard teńge bólindi. Turǵyndardy jylýmen úzdiksiz qamtamasyz etý úshin 35 ortalyq qazandyqqa, 64,3 km jylý trassasyna, 13,4 elektr jelilerine jáne úsh myńnan astam transformatorǵa jóndeý jasalýda.
