Rysqalı Ábdikerov sonymen birge dárigerlerdi qoldaý, koronavırýspen kúreste olardy barlyq qajettiliktermen qamtamasyz etý mańyzdy ekenin eske saldy. Qorǵanys quraldarmen, dári-dármektermen ǵana emes, sonymen qatar ystyq tamaqpen de qamtamasyz etýdiń mańyzyn atap ótti. Dárigerler áli kúnge deıin stasıonarlarda, adamdardyń ómiri úshin kúresýde.
Sondaı-aq senator aýdandardyń birindegi dúkenderdegi azyq-túlik baǵalaryna monıtorıng júrgizdi. Ol ákimdik naryqtaǵy ózgeristerdi muqııat qadaǵalap, saýdagerlerge áleýmettik mańyzdy taýarlardyń ruqsat etilgen baǵasynan asyp ketýine jol bermeý kerektigin atap ótti. Sonymen qatar, depýtat eriktilerge muqtajdarǵa azyq-túlik jıyntyǵyn jetkizý boıynsha qaıyrymdylyq aksııalaryn toqtatpaý týraly ótinish bildirdi.
Rysqalı Ábdikerov turǵyndardy baspanamen qamtamasyz etý josparymen de tanysty. Aldaǵy ýaqytta oblystyń tórt aýylynda 400-ge jýyq úı salynady. Qazir memlekettik baǵdarlamaǵa sáıkes birneshe kóppáterli turǵyn úı keshenderi salynyp jatyr. Olardy qamtamasyz etý úshin «Jumyspen qamtýdyń jol kartasy-2020» baǵdarlamasy boıynsha Buqar jyraý aýdanynda jańa modýldi qazandyq salyndy.
Depýtat quqyq qorǵaý organdarynyń qyzmetkerlerimen de kezdesti. Olar ýchaskelik ınspektorlardyń shtat sanyn keńeıtý jáne qyzmettik kólikpen qamtamasyz etý qajettiligi týraly aıtty. Qaraǵandy oblysynyń polıseıleri senatorǵa joldardy buzatyn júk kótergishtigi 25 tonna jáne 40 tonna bolatyn aýyr kólik quraldarynyń qozǵalysyn shekteý úshin «Avtomobıl kóligi týraly» zańǵa tolyqtyrýlar engizý múmkindigin qarastyrýdy usyndy.
Senat depýtaty Rysqalı Ábdikerovtiń Qaraǵandy oblysyna jumys sapary jalǵasýda. Alda óńir basshylyǵymen kezdesýler jáne taǵy birneshe aýdanǵa saparlar josparlanǵan.
