Aımaqtar • 06 Tamyz, 2020

Murat Áıtenov volonterlermen kezdesti

18 ret kórsetildi

Prezıdentimiz Q.Toqaev bıylǵy jyldy  "Volonter jyly" dep ataǵan bolatyn. Osyǵan oraı, Shymkent qalasynyń ákimi Murat Áıtenov pandemııamen kúreste belsendi atsalysyp júrgen eriktiler men qoǵamdyq qozǵalystardyń ókilderimen kezdesti, - dep habarlaıdy Egemen.kz.

Kezdesýge qalada óz belsendiligimen kózge túsip júrgen uıym jetekshileri qatysty. Atap aıtqanda, "ASAA" jastar qoǵamdyq birlestiginiń tóraıymy Danara Saranova, "Izgilikte jarysaıyq" qaıyrymdylyq qorynyń prezıdenti Muhtar Tashımov, "Bizben birge" volonterlik qozǵalysynyń jetekshisi Jasmın Áshimova, "Volontery Shymkenta" volonterlik qozǵalysynyń jetekshisi Gýzal Áýelbekova. Volonterler qala basshysymen kezdesýde ózekti máselelerdi talqylap, óz usynystaryn jetkizdi. О́z kezeginde Murat Áıtenov eriktilerge qala turǵyndaryna kórsetken qoldaýy men kómegi úshin alǵysyn bildirdi.

"О́zderińiz biletindeı, elimizde engizilgen tótenshe jaǵdaıǵa baılanysty qalamyzdyń eriktileri juqpaly vırýspen kúreske belsendi qatysýda. Osy múmkindikti paıdalana otyryp, óz atymnan jáne qala turǵyndarynyń atynan barlyq eriktilerge shyn júrekten alǵysymdy bildirgim keledi. Densaýlyqtaryńyzǵa tóngen qaýipke qaramaı, muqtaj otbasylarǵa azyq-túlik tasymaldaýmen, jekemenshik medısınalyq mekemelerge ottegi ballondaryn quıýǵa kómektesip, qarttarǵa qajetti dári-dármekterdi jetkizýde barynsha kómek kórsettińizder. Búgingi tańda árbir azamat qaýipsizdik erejeleri men sanıtarlyq-epıdemııalogııalyq talaptardy qatań saqtap, koronavırýstyń taralýyn toqtatýǵa aıtarlyqtaı úles qosa alatyndyǵyn atap ótkim keledi. О́kinishke oraı, pandemııa – bul kórinbeıtin jaý. Sondyqtan men, sizderdiń árqaısyńyzdy ózińizdi jáne jaqyndaryńyzdy indetten qorǵaýǵa shaqyramyn", - dedi ákim.

"ASAA" jastar qoǵamdyq birlestiginiń tóraıymy Danara Saranova sońǵy aptada kómek kórsetýge nıet bildirgen belsendiler sany kóbeıgenin jáne qazir olar volonterlik jumysqa kirispes buryn qajetti oqýdan ótip jatqanyn málimdedi. Aıtýynsha,  pandemııamen kúreste birlesken jáne nátıjeli jumys jasaý úshin eriktilerden quralǵan túrli qozǵalystardy biriktirýdi usyndy. Sonymen qatar, ol ártúrli baǵyttar boıynsha odan ári jumys isteý úshin basqa elderdiń eriktilerimen tájirıbe almasý jáne oqytý qajettiligi týraly aıtyp ótti.

Sondaı-aq Almatydan kelgen respýblıkalyq shtabtyń monıtorıngtik tobynyń qoǵamdyq úılestirýshisi Saıda Taýkeleva jergilikti atqarýshy organdar men volonterlar arasynda ózara is-qımyl jasaý algorıtmin ázirleý boıynsha usynys bildirdi. 

Al "Nur Otan" partııasy Shymkent qalalyq  "Jas Otan" jastar qanatynyń tóraǵasy Arman Álibekovtyń aıtýynsha, pandemııa bastalǵaly beri volonterler 3500 otbasyǵa azyq túlik jetkizin, mıllıon betperde taratqan. Iаǵnı, birqatar volonterlik toptar  jumysty durys úılestirip jatyr eken. Alaıda áli de bolsa jumysty shıratatyn jaǵdaılar bar. Resmı tirkelgenimen durys jumys istemeıtin toptar da kezdesetinin baıandady.

Kezdesýde eriktiler megapolıste jastarǵa arnalǵan oryndar sanyn kóbeıtýdi, sondaı-aq volonterlik uıymdar birigetin ortalyq qurýdy usyndy. Murat Dúısenbekuly bolsa, volonterlik qozǵalys jetekshileriniń usynystaryn tyńdap, bul baǵyttaǵy máseleler óz sheshimin tabatynyn atap ótti.

"Jastar bas qosatyn oryndardy ashý jumystary júrgizilýde. Karantın aıaqtalǵannan keıin resmı túrde paıdalanýǵa beremiz. Aldaǵy ýaqytta burynǵy Fosforshylar mádenıet saraıyn qalpyna keltirsek dep otyrmyz. Bul rette birqatar josparlar bar. Jastarǵa sportpen shuǵyldanatyn úıirmeler de kóptep kerek",  – dedi qala ákimi.

Aıta ketý qajet, eriktilermen kezekti kezdesý sońynda qala ákimi volonterlerdi pandemııamen kúresýge jáne týyndaǵan máselelerdi birlesip sheshýge shaqyrdy.

 
Sońǵy jańalyqtar

Polıseıler qarttardy quttyqtady

Aımaqtar • Búgin, 20:51

Aqyly joldardan qansha qarajat túsedi?

Aımaqtar • Búgin, 17:00

Qazaqstanda bailanys.bar servısi iske qosyldy

Tehnologııa • Búgin, 15:40

Tarazda órtten eki bala kóz jumdy

Aımaqtar • Búgin, 15:14

Qazan aıynda aýa raıy qandaı bolady?

Aýa raıy • Búgin, 11:40

Qazaqstanda dollar arzandady

Ekonomıka • Búgin, 11:40

Uqsas jańalyqtar