Jeńildik jasaldy

Bul rette karantın kezeńinde Úkimettiń áleý­mettik blogyna júktelgen qazirgi jáne aldaǵy mindetterdi eskere otyryp, je­del­de­tilgen konkýrstyq rásimderdi ha­lyqty áleýmettik qorǵaý (búgingi jaǵdaılarda áleý­mettik sharalardy qam­tamasyz etý jó­nindegi mindetterge baı­la­nysty) jáne bilim berý (pandemııa kezeńinde úzdiksiz bilim berý prosesin sapaly uıymdastyrý jónindegi mindetterge baılanysty) sala­la­ryn­daǵy organdarǵa taratý týraly sheshim qabyldandy.

Konkýrstyq rásimderdiń merzimin qys­qartý osy organdardaǵy bos jumys oryn­daryn jedel toltyrýǵa múmkindik bere­di, bul osy vedomstvolarǵa júktelgen mindetterdi ýaqtyly oryndaýǵa yqpal etedi. Jo­ǵaryda aıtylǵandardy eskere otyryp, Mem­lekettik qyzmet isteri agenttiginiń osy jylǵy 22 shildedegi buıryǵymen konkýrsty ótkizý Erejesine tıisti túzetýler engizildi.

Máselen, engizilgen túzetýlerge sáıkes karantın kezeńinde densaýlyq saq­taý, eńbek jáne halyqty áleýmettik qor­ǵaý, bilim jáne ǵylym mınıstrlikteri, sondaı-aq ákimdikterdiń densaýlyq saqtaý, ha­lyq­ty jumyspen qamtý jáne bilim berý sala­syndaǵy bólimsheleri laýazymdaryna kon­kýrstar ótkizý merzimi qysqartyldy. Osy­laısha konkýrstyq rásimder jıyrma eki kúnnen tórt kúnge deıin qysqartyldy.