Qoǵam • 07 Tamyz, 2020

Saǵat saıyn hal surap turdy

48 ret kórsetildi

Alty kún boıy arpalysyp júrip, ózin ajal tyrnaǵynan ara­sha­­lap qalǵan dárigerler men medbıkelerge 65 jastaǵy qosta­naı­lyq zeınetkerdiń alǵysy sheksiz.

– Shildeniń birinshi kúni denem aýyrlap, boıkúıezdik basyp, qyzýym kóterilip ketti. Sodan úıge jedel járdem shaqyrtyp edik, bir­den qalalyq aýrýhanadaǵy ın­fek­sııalyq bólimge aparyp jat­qyzdy, – deıdi Qarashash Tó­le­ge­no­va.

О́kpesiniń 67%-yn vırýs jaılap alǵan zeınetker jeti kún boıy sý túgili bir jutym aýaǵa zar bolyp jan­saqtaý bóliminde nár tatpaı jat­ty.

– Bir apta boıy basymdy kóte­re almadym. Kún ótken saıyn jaǵ­daıym aýyrlap, janym qı­nal­ǵan sát­terde jastyǵymdy tis­te­lep tas­­tap­pyn. Satýrasııa 80-ge deıin, tamyr soǵýy 50-ge deıin túsip, dene qyzýym 38 gradýstan asyp ketti. Áıteýir dárigerler jabylyp júrip qutqaryp qaldy. Ásirese janushyra júgirip jú­rip, qajet kezinde tıisti em shara­la­ryn jasaǵan medbıkelerge rızashylyǵym sheksiz. Meni bir­te-birte emdep, aıaqqa turǵyzyp, aman-saý úıime shyǵaryp saldy. Búkil jansaqtaý bóliminiń ujy­myna dán rızamyn. Mundaǵy dári­gerlerdiń barlyǵy basyn qaýip-qaterge tigip, jankeshtilik tany­ta júrip, jumystaryndaǵy qıyn jaǵdaıǵa qaramastan bar bilimi men erik-jigerin adam ómirin qut­qaryp qalýǵa jumsap júr. Men ol kisilerdiń túr-álpetine anyq­tap qaraı alatyn halde emes edim. Esim kiresili-shyǵasyly bo­lyp jat­tym. Sondyqtan tek dári­ger­lerdiń aǵarańdaǵan sulbasy men sýsyldaǵan skafandrlardyń úni, áldekimderdiń birde shuǵyl, birde jyly sóılegen daýystary ǵana esimde qalypty. Olardyń beıneleri jadymda qalmasa da, daýystary júregimde saqtalyp qaldy. Keıin esimdi jıǵan soń, dárigerler eki saǵat saıyn janyma kelip jaǵdaıymdy surap turdy. Jasym – alpys beste. Biraz jyldardan beri jabysqan basqa da syrqattarym bar. Sondyqtan jansaqtaý bólimine túskende, mıym­nan osy jerden endi tiri shyq­paıtyn shyǵarmyn degen oı shyq­paı qoıdy. Biraq dámim taýsylmapty, áli de kórer jaryǵym bar eken. Osynyń barlyǵy qalalyq aýrýhana dárigerleri men medbıkeleriniń arqa­sy, – deıdi zeınetker.

Aıtpaqshy, Qarashash Tólege­no­va mereıli 65 jasyn stasıonarda qarsy aldy. Dertinen qulan taza aıy­qqan zeınetker kelesi kúni óz otba­syna, bala-shaǵasy men neme­re­leriniń ortasyna oraldy.

 

Qostanaı oblysy

 

Sońǵy jańalyqtar

Atyraýda jol boıynda traktor aýdaryldy

Aımaqtar • Búgin, 19:11

Or ózenin ortaıtyp otyrǵan kimder?

Vıdeo • Búgin, 18:39

Shyǵysta jazýshy músini tuǵyrǵa qondy

Rýhanııat • Búgin, 17:37

Bas basylym tilshisi qurmetke bólendi

Oqıǵa • Búgin, 14:45

Alıment tólemegen áke qolǵa tústi

Aımaqtar • Búgin, 13:21

Almatyda Kók bazar jabylady

Aımaqtar • Búgin, 11:02

Demalys kúnderi aýa raıy qandaı bolady

Aýa raıy • Búgin, 11:00

Uqsas jańalyqtar