Qazaqstan • 07 Tamyz, 2020

15 aýyldyń turǵyndary taza aýyz sýǵa qol jetkizdi

11 ret kórsetildi

Jumys sapary barysynda QR Ekologııa, geologııa jáne tabıǵı resýrstar mınıstri Maǵzum Myrzaǵalıev Maı aýdany, Baskól aýylyndaǵy sý tazartý stancasynda boldy.

Sý qubyry jobasy 2018 jyly júzege asyrylyp, 2019 jylǵy jeltoqsanda aıaqtaldy. Jobany júzege asyrý úshin 5 mıllıard teńgeden bólingen.

«Nura» toptyq sý qubyry» ShJQ RMK bas dırektorynyń orynbasary Áıgerim Aqjanova qurylystyń quny 4,4 mlrd. ekenin jetkizdi. Qalǵan qarajat bıýdjetke qaıtarylǵan.

– Búginde sýmen jabdyqtaý júıesi tolyq qýatta iske qosyldy, - deıdi Áıgerim Aqjanova. - Halqy 200 adamnan asatyn 15 aýyl qosylyp otyr. Bul 10 myńnan astam adam. Sý táýlik boıy test rejiminde aqysyz beriledi. Sý tazartý qondyrǵysy nemis jabdyqtarymen jaraqtandyrylǵan.

Áıgerim Aqjanovanyń aıtýynsha, sý qubyrynyń ótkizý qabileti táýligine 4150 tekshe metrdi quraıdy, onyń tek 2500-i ǵana tutynylady.Sýdyń qory 20 jylǵa jetetindikten, Aqsý aýyldyq aımaǵyn   sýmen jabdyqtaý júıesine qosýǵa bolady.

- Bul suraq kóterildi, - deıdi Áıgerim Aqjanova. - Qazir bılik jobanyń tıimdiligin qarastyrýda. Eger maquldansa, biz osy qubyrdy salýǵa daıynbyz.

Maı toptyq sý qubyryn qyzmet kórsetetin uıymnyń balansyna berý problemalyq máselelerdiń biri bolyp tabylady. Qazirgi ýaqytta qyzmetti «Nura» toptyq sý qubyry» ShJQ RMK kórsetýde. Biraq bolashaqta sý qubyryn sonymen qatar, Belovodsk toptyq sý qubyryna qyzmet kórsetetin «Kazvodhoz» RMK-ǵa berý josparlanýda.

Qazir Maı toptyq sý qubyrynda 11 adam jumys isteıdi. Aısaıynǵy jalaqy shyǵyny shamamen mıllıon teńgeni quraıdy.

Maǵzum Myrzaǵalıev sý qubyrynyń jumysyn joǵary baǵalady. Aýyl turǵyndarynyń taza aýyz sýǵa qol jetkizýi olardyń ómir súrý sapasyn jaqsartyp, turǵyndardyń aýyldan kóshpeýine sebepshi bolady degen úmitte.

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Uqsas jańalyqtar