Qazaqstan • 07 Tamyz, 2020

Ertis ózeniniń alqabyna erekshe qorǵalatyn tabıǵı aýmaq mártebesi berilýi múmkin

9 ret kórsetildi

Tıisti jobany qazir Ekologııa, geologııa jáne tabıǵı resýrstar mınıstrligi daıyndaýda, dep habarlady Pavlodar qalasynyń jurtshylyǵymen kezdesýde  QR Ekologııa, geologııa jáne tabıǵı resýrstar mınıstri Maǵzum Myrzaǵalıev. «Ertis ózeniniń alqabyna mártebe berý úshin buryn aıaqtalmaǵan tehnıkalyq-ekonommkalyq negizdeme pysyqtalyp jatyr», - dedi ol. –Búgingi tańda Qazaqstan aýmaǵynyń shamamen 9% erekshe qorǵalatyn tabıǵı aýmaq mártebesine ıe. BUU men basqa da halyqaralyq uıymdardyń usynysy boıynsha bul kórsetkishti 10 jyl ishinde 12%-ke deıin arttyrý kerek. Al Ertis ózeniniń alqaby osyndaı aýmaq tizimine enýi múmkin».

Eko-belsendilermen de óńirdiń ekologııayq ózekti máseleleri talqylandy. Mınıstrdiń aıtýynsha, qazirde Pavlodar oblysy boıynsha Jol kartasynyń jobasy jasalyp jatyr. Onda óńirdegi ekologııalyq jaǵdaıdy jaqsartý úshin sharalar belgilenedi. Bul rette mınıstrlik qala jurtshylyǵymen birge jumys isteýge nıetti.

Kezdesýde sonymen qatar, kásiporyndarda eń ozyq qoljetimdi tehnologııalardy (OQT) engizý, jasyl jelek sanyn artyrý, halyqtyń ekologııalyq mádenıetin jaqsartý jáne ekologııalyq zańnamany buzǵany úshin aıyppuldy qataıtý máselesi qozǵaldy.

Máselen, halyqtyń Pavlodar qalasynda ýly óndiristerdi salýǵa tyıym salý týraly ótinishine jaýap retinde mınıstr naqty eldimekendegi nemese óńirdegi lastaný deńgeıine qatysty halyqaralyq tájirıbeni Qazaqstanda engizý josparlanyp otyrǵanyn jetkizdi. Jańa Ekologııalyq kodekske tıisti normalar engizilgen.

«Qalaı bolǵanda da, kez-kelgen qaýipti óndiristi salý kezinde qoǵamdyq tyńdaýlar ótkizilýi múmkin», - dep atap ótti mınıstr. «Sondaı-aq, jańa Ekokodeks jobasynda halyqtyń jobalardyń qabyldanýyna áser etýin kúsheıtýge arnalǵan tarmaqtar bar. Jasyl jelekter týraly suraqtaryńyzǵa kelsek, ol Jol kartasyna engiziledi. Qorshaǵan ortany lastaıtyn kásiporyndardyń tabıǵatty qorǵaý is-sharalar josparyna aǵash egýdi engizýdi josparlap otyrmyz. Biz muny ERG kompanııasymen de talqylaıtyn bolamyz. Sonymen qatar, úsh jyl ishinde aǵash keskeni úshin normatıvtik-quqyqtyq bazany qataıtý, ótemaqy retinde aǵash otyrǵyzý men olarǵa kútim jasaýdy talap etý josparlanýda.

Qoqys laqtyrýǵa, aǵashtardy kesýge, belgilenbegen orynǵa kólik qoıýǵa jáne t.b. jol beretin tómen ekologııalyq mádenıet máselesin aıta kelip, mınıstr mundaı zańbuzýshylyqtar úshin jaza kúsheıtiletinin atap ótti. Kelesi aptada, onyń aıtýynsha, mektepterde ekologııalyq mádenıet pánin engizý úshin Bilim mınıstrligimen birlesip onlaın dóńgelek ústel ótkizý josparlanýda.

Aıtpaqshy, kezdesýde QR Prezıdentiniń ekologııa pánin elimizdiń orta jáne joǵary oqý oryndarynda mindetti pán retinde engizý týraly bastamasyna qoldaý bildirildi.

«Jańa tehnologııalarǵa keletin bolsaq, biz jańa Ekologııalyq kodekstiń jobasyna eń ozyq qoljetimdi tehnologııalar normasyn engizdik. Oǵan 1300-ge jýyq birinshi sanattaǵy kásiporyndar kóshýi tıis. Iаǵnı shyǵaryndylar kólemin edáýir tómendetetin tehnologııalardy engizý kerek. Eger qorshaǵan ortany lastaıtyn kem degende 50 kásiporyndy osyǵan kóshirsek, máseleniń 80% sheshiledi. Biz osy rette kásiporyndardy tekserýdi bastadyq. Eýropada OQT engizý úshin 15 jyl qajet bolǵan. Qazaqstanda barlyq jumys isteıtin kásiporyndar 2035 jylǵa qaraı OQT júıesine kóshýi tıis. 2025 jyldan bastap salynǵan barlyq kásiporynda jumys istep turǵan OQT bolýy kerek. Kásiporyndar bul rette únemdelgen aqshany OQT engizýge salýǵa yntalanýy úshin memleket emıssııa tóletýden bas tartýǵa daıyn», - dedi M.Myrzaǵalıev.

«Biz búgingi kóterilgen barlyq sharalardy jańa Ekologııalyq kodeks jobasynda qarastyrdyq. Onyń kópshilik arasynda belsendi talqylanýyn tek qana qoldaımyz. Alaıda onda ekologııa men ekonomıkanyń arasyndaǵy balans saqtalýy qajet. Qalanyń eko-belsendilerine óńirdiń ekologııalyq problemalaryna nazar aýdarýdaǵy úlken jumysy úshin alǵys aıtqym keledi», - dedi Maǵzum Myrzaǵalıev.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar