Qazaqstan • 07 Tamyz, 2020

Dana Nurjigitova Densaýlyq saqtaý júıesiniń basqarý jumysyn synǵa aldy

1579 ret kórsetildi

Senator medısınalyq qyzmet kórsetý degen jeleýmen aýdarylǵan aqshany qaıtarýdy jáne kinálilerdi jazalaýdy talap etti, dep habarlaıdy Egemen.kz.

Senat depýtaty Dana Nurjigitova Bas prokýratýra men Densaýlyq saqtaý mınıstrliginen medısınalyq qyzmet kórsetildi dep jalǵan málimet berý jaǵdaıyn tekserip, kinálilerdi jazalaýdy suraıdy. Senator bul týraly áleýmettik jelilerdegi paraqshasynda málimdedi.

Senator "Medısınalyq saqtandyrý qory bir ǵana jarty jyldyqtyń ishinde sommasy 75,5 mln teńge 11 607 jalǵan taǵaıyndaý  anyqtaǵan. Qazir elimiz úshin onsyzda ońaı emes kezeń kezinde oryn alǵan jaǵdaı otandyq  densaýlyq saqtaý  júıesin "qaıta iske qosý" qajet emes pe degen oı salyp otyr", - dep jazdy.

"Kinálilerdi anyqtap jáne jazalap qana qoımaı (jaýapkershilikti kúsheıtýge qatysty aıtylǵan málimdeme), sondaı-aq júıelik keshendik sharalar qarastyrý qajet. Meniń oıymsha, bul jaǵdaıda qarapaıym dárigerlerge ǵana jaýapkershilikti artýdyń qajeti joq. Olardyń eńbegine pandemııa kezinde barlyǵymyz kýá boldyq. Ýákiletti organnan osyndaı jaǵdaılardy budan ári boldyrmaý jáne tolyǵymen joıý máselerine qatysty naqty usynystaryn kútemiz", - delingen senatordyń jazbasynda.

Dana Nurjigitova qadaǵalaýshy organǵa joǵarydaǵy atalǵan zań buzýshylyqtardy anyqtaý, kórsetilmegen medısınalyq qyzmetter úshin tólengen qarajattardy qaıtarý jáne kinálilerdi jaýapkershilikke tartý boıynsha prokýrorlyq den qoıý sharalaryn qabyldaý týraly resmı saýal joldaıtynyn jetkizdi.

Sonymen qatar, óziniń depýtattyq mandatyn paıdalana otyryp, senator Densaýlyq saqtaý mınıstrligine jalǵan tirkeý múmkindigin boldyrmaý arqyly medısınalyq qyzmet tólem júıelerin odan ári jetildirý, vedomstvolyq jáne naýqastar tarapynan qadaǵalaý quqyǵyn kúsheıtý, Qordyń (ÁMSQ) jáne ózge de medısınalyq uıymdardyń tolyqtaı qarjylyq ashyqtyǵyn qamtamasyz etý týraly resmı úndeý joldaıtynyn málimdedi.

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar