Taıaýda Dýbrovnık qalasynda (Horvatııa) Soltústik Atlantıka Sharty Uıymynyń (NATO) uıymdastyrýymen Parlamenttik Assambleıanyń kúzgi 59-sessııasy ótti. Oǵan Qazaqstan Respýblıkasy Parlamenti atynan depýtattar Muhtar Altynbaev pen Abaı Tasbolatov qatysty, dep habarlady Májilistiń baspasóz qyzmeti.
Taıaýda Dýbrovnık qalasynda (Horvatııa) Soltústik Atlantıka Sharty Uıymynyń (NATO) uıymdastyrýymen Parlamenttik Assambleıanyń kúzgi 59-sessııasy ótti. Oǵan Qazaqstan Respýblıkasy Parlamenti atynan depýtattar Muhtar Altynbaev pen Abaı Tasbolatov qatysty, dep habarlady Májilistiń baspasóz qyzmeti.
Parlamenttik Assambleıanyń Qoǵamdyq dıplomatııa bólimshesi qaýipsizdik máseleleri boıynsha birqatar kelissózder men baspasóz máslıhattaryn uıymdastyrdy.
Sessııa barysynda Ortalyq Azııa parlamentshileriniń qatysýymen qaýipsizdik salasyna qatysty kóptegen máseleler qaralyp, NATO-nyń Ortalyq Azııamen baılanysy, Sırııadaǵy daǵdarysty jaǵdaı, 2014 jyly Aýǵanstan jerinen áskerlerdi shyǵarǵannan keıingi NATO-nyń róli men ortaq múdde bildiretin máseleler keńinen talqylandy.
Forýmǵa 28 memleketten 340-qa jýyq parlamentarııler qatysty. Onda NATO-ny jáne onyń jekelegen múshe memleketterin álemniń, sonyń ishinde Ortalyq Azııanyń kókeıkesti problemalarynyń biri – Aýǵanstandy ekonomıkalyq turǵydan damytý jáne beıbit ómirdi qalpyna keltirý máselesin sheshýge qatystyrý, aımaqtyq turaqtylyq pen qaýipsizdikti nyǵaıtýǵa jaǵdaı jasaý taqyryptary jan-jaqty talqylandy. Qazirgi Aýǵanstandaǵy jaǵdaı 2014 jyldan keıin de Ortalyq Azııa memleketterine tikeleı áser etpeı qoımaıtyny aıtyldy. Barlyq memleketter Aýǵanstanda turaqtylyqtyń ornaýyna múddeli ekendikterin jáne osy maqsatqa jetýde aıtarlyqtaı úles qosa alatyndyqtaryn jetkizdi.
Kezdesýler barysynda Aýǵanstandaǵy jaǵdaıdy retteýde Qazaqstannyń róline basa nazar aýdarylyp, elimiz tarapynan berilgen gýmanıtarlyq jáne Qazaqstan aýmaǵy arqyly ótkiziletin tranzıttik kómekter NATO PA basshylyǵy tarapynan erekshe atalyp ótti.
NATO-nyń Bas hatshysy A.F. Rasmýssen Sırııadaǵy oryn alǵan qaqtyǵystardy áskerı kúshterdi qoldanyp sheshýge bolmaıtyndyǵyn, ony dıplomatııalyq kelissózder arqyly sheshý joldaryn tabý kerektigin aıtty.
Baǵdarlamaǵa sáıkes, Qazaqstan tarapynan júrgizilgen keshendi jumystardyń nátıjesinde Aýǵanstannyń ınfraqurylymyn qalpyna keltirý jáne damytý, sondaı-aq stýdentterdi oqytý, mamandardy qaıta daıarlyqtan ótkizý sııaqty jumystarǵa qoldaý kórsetken keleli isterge erekshe mán berildi.
Dýbrovnık qalasynda Soltústik Atlantıka Sharty Uıymynyń uıymdastyrýymen ótkizilgen Qoǵamdyq dıplomatııa bólimshesi qaýipsizdik máseleleri boıynsha kelissózder men baspasóz máslıhattarynda parlamentshiler ózara pikir almasty.
