Mınıstrdiń aıtýynsha, óńirde aýylsharýashylyǵy jerlerin sýarmaly sýmen qamtamasyz etýde aýqymdy jumys júrgizilýde.
"Máselen, biz bolǵan sońǵy nysan - qaıta jóndelip jatqan "Ertis-Ýspenka" kanalynyń sýarmaly ýchaskesi. Bul kanal 2021 jyldyń aıaǵyna deıin kúrdeli jóndeýden ótkennen keıin 10 myń gektar jańa sýarmaly jer engiziledi. Bul aýqymdy jer. Oblystaǵy túrli aýdandarda basqa da jobalar bar. Jalpy óńirde 10 jyl ishinde sýarmaly jer kólemin qazirgi 56 myń gektardan 200 myń gektarǵa jetkizý qajet".
Mınıstrdiń aıtýynsha, bul kúrdeli ári órshil maqsat. Degenmen, búginde oblys ákimi atap aıtqandaı, óńirde qazirgi ýaqytta aýyl sharýashylyǵynda 2,5 mln gektar ıgeriletin jer bar. Bul rette oblystaǵy barlyq ónimniń 50%-i 56 myń gektar osy sýarmaly jerde óndiriledi.
"Tıimdiligi kórinip tur. Sondyqtan memleket búginde jańa sýarmaly jerlerdi engizýge, qoldanystaǵy sýarý júıelerin qaıta jóndep, jańa nysandar salýǵa edáýir qarajat bólýde", - dedi Maǵzum Myrzaǵalıev.
