"Berel" qoryq-mýzeıi "Qazaq Altaıyndaǵy saq dáýiriniń kórnekti eskertkishteri" atty joba aıasynda Taýtekeli qorymynda qazba jumystaryn bastaǵan. Bul jerde 150-den astam qorǵandar bar. Ereksheligi – ár dáýirdiń qorǵandary shoǵyrlanǵan. Pazyryq mádenıetiniń bastaý alǵan kezeńinen bastap, HIH ǵasyrlardaǵy qazaq zırattarymen aralasyp jatyr. Mýzeı qyzmetkeri, ekspedısııa jetekshisi Aıdos Erbolatulynyń aıtýynsha, bul jerdi 1959 jyly Lenıngradtan ǵalym S.Sorokın kelip zerttegen eken.
"Qazirgi tańda Nur-Sultan men Semeı qalalarynan quralǵan eriktiler Berel qoryq-mýzeıi zerttep jatqan Taýtekeli qorymynda qazba jumystaryna qatysýda. Tamyz aıynyń 10 juldyzynda eriktilerdiń taǵy bir tobyn jiberý josparlanyp otyr. Osy arqyly biz arheologııaǵa qyzyǵýshylyq tanytatyn jastardyń armandaryn júzege asyryp jatyryz dep oılaımyn. Sondaı-aq olar týǵan ólkemizdiń tarıhı-mádını murasyn damytýǵa úles qosýda", - deıdi "Jas Ulan" biryńǵaı balalar men jasóspirimder uıymy RQB tóraıymy Dınara Sádýaqasova.
Kamıla Ákimjan - "Birgemiz: Asyl Mura" jobasyna qatysýshylardyń eriktilerdiń biri.
"Bir apta boıy Shyǵys Qazaqstandaǵy qazba jumystaryna qatystyq. Onda tájirıbeli jáne talantty arheologtar qyzmetimen egjeı-tegjeıli tanystyq. Tarıhı eskertkishterdi qolmen ustaýǵa múmkindik aldyq. Komandamyz óte tatý boldy, jaqsy adamdarmen tanysqanyma qýanyshtymyn. Jumysqa shabyt bergen osy aımaqtyń sulýlyǵyn erekshe atap ótkim keledi", - deıdi K. Ákimjan.
Uıymdastyrýshylar arheologııalyq qazba jumystary kezinde barlyq sanıtarııa normalary: qorǵanys maskalary men qolǵaptardyń bolýy, gıgıena jáne áleýmettik qashyqtyq saqtalatynyn atap ótti.
