Eki kúnde motokólik júrgizýshileri tarapynan jol qozǵalysy erejesin buzýdyń 187 deregi anyqtaldy. Onyń ishinde túngi tynyshtyqty buzǵandar, kóligin zańsyz qaıta jabdyqtaǵandar, mindetti tehnıkalyq qarap-tekserýden ótkizbegender, motoshlem paıdalaný jónindegi talaptardy buzǵandar bar. Tıisti qujatsyz motokólik basqarǵan 31, mas kúıinde kólik basqarǵan 5 derek anyqtalyp, 33 motokólik aıyp alańyna qoıyldy.
Solardyń biri 6 tamyz kúni Qyzylorda qalasynyń ortalyq kóshesi boıynda toqtatylǵan. Onyń kóligin spırttik ishimdik iship jáne memlekettik belgisiz, esh qujatsyz basqaryp júrgeni belgili boldy.
Quqyq buzýshy azamatqa qatysty QR ÁQBtK-niń 608 babynyń 6-bóligimen, 612 babynyń 2-bóligimen ákimshilik hattama rásimdelip, prosessýaldyq sheshim qabyldaý úshin ákimshilik sotqa joldandy.
