«Qoljetimdi turǵyn úı-2020» baǵdarlamasy aıasynda elimizde jyldyń sońyna deıin 6,8 mln. sharshy metr turǵyn úı paıdalanýǵa berilmek. Bul aqparat keshe Premer-Mınıstr Serik Ahmetovtiń tóraǵalyǵymen selektorlyq rejimde ótken Úkimet otyrysynda málim boldy.
«Qoljetimdi turǵyn úı-2020» baǵdarlamasy aıasynda elimizde jyldyń sońyna deıin 6,8 mln. sharshy metr turǵyn úı paıdalanýǵa berilmek. Bul aqparat keshe Premer-Mınıstr Serik Ahmetovtiń tóraǵalyǵymen selektorlyq rejimde ótken Úkimet otyrysynda málim boldy.
Úkimet otyrysy «Qoljetimdi turǵyn úı-2020» baǵdarlamasynyń júzege asyrylý barysyn talqylaýǵa arnalǵan bolatyn. Osyǵan oraı jıyn basynda S.Ahmetov baǵdarlamanyń mańyzyn aıtyp, halyqty sapaly da qoljetimdi turǵyn úımen qamtamasyz etý áleýmettik jańǵyrtýdyń negizgi mindetteriniń biri bolyp tabylatynyn, ol Memleket basshysynyń aıryqsha nazarynda turǵanyn atap ótti.
Al baǵdarlamanyń osy jylǵy 9 aıdaǵy júzege asyrylýynyń qorytyndylary týraly О́ńirlik damý birinshi vıse-mınıstri Qaıyrbek О́skenbaev baıandady.
Q.О́skenbaevtyń aıtýynsha, jalpy paıdalanýǵa beriletin turǵyn úıdiń 59 paıyzdan astamy, ıaǵnı 2,7 mln. sharshy metri jeke- menshik turǵyn úı qurylysynyń úlesine tıedi. Bul ótken jylǵy sáıkes merzimmen salystyrǵanda 12 paıyzǵa artyq. Memlekettik menshiktegi kásiporyndar men uıymdar 9 aıda 524,9 myń sharshy metr turǵyn úıdi paıdalanýǵa bergen.
Vıse-mınıstrdiń málimetine súıensek, jalǵa beriletin turǵyn úı baǵytynda bıyl jalpy aýmaǵy 285 myń sharshy metr bolatyn 4 myń páter salý josparlanyp otyr. Oblystar, Astana men Almaty qalalarynyń ákimdikterine jas otbasylar úshin salynatyn jalǵa beriletin turǵyn úı qurylysyna ústimizdegi jyly 10 mlrd. teńge nysanaly transfertter qarastyrylǵan, 1 qazanǵa 8,2 mlrd. teńge aýdarylyp, onyń 7,2 mlrd. teńgesi ıgerilgen.
Bıylǵy jyldyń sońyna deıin jalpy somasy 15,2 mlrd. teńgege 6 qalada – Astana, Petropavl, Aqtóbe, Pavlodar, Oral jáne Qostanaıda turǵyn úılerdiń qurylysyn bastaý josparlanyp otyr. Osynyń esebinen 162 myń sharshy metr jalǵa beriletin turǵyn úıdi salý kózdelýde, dedi Q.О́skenbaev.
Turǵyn úı qurylys jınaq júıesi arqyly nesıelik turǵyn úıdi paıdalanýǵa berý salasyndaǵy jaǵdaıdy, ınjenerlik-kommýnıkasııalyq ınfraqurylymdar qurylystary jaıyn sıpattaı kelip, Q.О́skenbaev Memleket basshysynyń jalǵa beriletin turǵyn úıdiń jyldyq kólemin 2016 jylǵa qaraı 1,0 mln. sharshy metrge jetkizý týraly tapsyrmasyn oryndaý boıynsha sharalar týraly da habarlady.
Q.О́skenbaev, sondaı-aq, tapsyrmaǵa sáıkes úleskerlerdi qorǵaý júıesi ázirlengenin sóz etti. Onda úleskerler aldynda qurylys salýshylardyń azamattyq-quqyqtyq jaýapkershiligin saqtandyrý eskerilgen deıdi ol. Atalǵan tetik Ulttyq bankten basqa barsha memlekettik organdarmen kelisildi. Bul turǵyda Ulttyq bank qarsy shyǵyp otyr. Olar balamaly tańdaý retinde kepildik etý júıesin usyndy, ıaǵnı kepildik qoryn qurýdy alǵa tartýda. Bul tetikti biz ázirlep, Qazaqstan Qurylysshylary qaýymdastyǵyna jiberdik. Osy eki tetikti qarasha aıynda tanystyrýǵa daıynbyz, dep tolyqtyrdy ol. Bul turǵyda Premer-Mınıstr atalǵan eki qujat Úkimet qaraýyna 15 qarashaǵa deıin usynylýy tıistigin tapsyrdy.
Bul máselelerdi kelisip, alǵa jyljý kerek. Sebebi, biz kesheýildep kele jatyrmyz. Tıisti tetik bolmaǵandyqtan úleskerlerdiń ınvestısııasyn tarta almaı otyrmyz. Qurylysshylarda úleskerler men olardyń qarjysyn tartý múmkindigi bar. Alaıda, úleskerlerdi qorǵaýǵa aıryqsha nazar aýdarý kerek. Sebebi, osy kúnge deıin úleskerler problemasy ár óńirde shyǵyp jatyr. Men óz deńgeıimde bul eki nusqany da qarastyramyn, dedi S. Ahmetov.
Otyrysta sondaı-aq, «Turǵynúıqurylysjınaqbanki» AQ-tyń basqarma tóraǵasy A.Jumaǵulovtyń, «Qazaqstandyq turǵyn úı qurylysy korporasııasy» AQ basqarma tóraǵasynyń orynbasary R.Qusaıynovtyń, «Samuryq-Qazyna» jyljymaıtyn múlik qorynyń basqarma tóraǵasy B.Palymbetovtiń esepteri tyńdaldy. Úı qurylysy kombınattary jobalaryn júzege asyrý máselesi boıynsha Indýstrııa jáne jańa tehnologııalar vıse-mınıstri N.Saýranbaev baıandady.
Talqylaý barysynda Qazaqstannyń batys óńirlerinde turǵynúıqurylysjınaq júıesi boıynsha belsendiliktiń azdyǵy baıqalatyny aıtylǵan bolatyn. Úkimet basshysynyń pikirinshe, bul jaǵdaıǵa basty sebep «Turǵynúıqurylysjınaqbanki» AQ-tyń nashar menedjmenti bolyp otyr. О́skemende, Oralda, Shymkentte jáne Qostanaıda kórinip otyrǵan belsendilik batystaǵy Atyraý men Mańǵystaýdan eki esege jýyq joǵary. Munyń syry nede bolýy múmkin jáne Aqtóbeniń Atyraýdan artyqshylyǵy nede? Aqtóbede turǵynúıqurylysjınaq júıesi boıynsha 2,5 myńnan astam ótinim qabyldansa, Atyraýda nebári 418 ǵana, dedi S.Ahmetov.
Sondaı-aq, banktiń ákimdiktermen, jergilikti atqarýshy organdarmen jumys jasaýy álsiz. Sizderdiń basty mindetterińiz – osy jaǵdaıdyń basyn ashý, ákimdermen birge óńirlerdi aralap, baǵdarlamalaryńyzdy naqty kórsetip, artyqshylyqtaryn túsindirý. Ákimderdiń mindeti – sizderdi jermen, sáıkesinshe ınfraqurylymmen qamtamasyz etý, al sizderdiń basty jumystaryńyz – qurylysty ınvestısııalaý, dep túıdi Úkimet basshysy.
Otyrysta odan ári sondaı-aq, «Qoljetimdi turǵyn úı-2020» baǵdarlamasyn oryndaý boıynsha birneshe oblystyń ákimderi de sóz alyp, Úkimet basshysyna esep berdi.
Talqylanǵan máselelerdi túıindeı kele, S.Ahmetov Ekonomıka jáne bıýdjettik josparlaý mınıstrliginiń nazaryn baǵdarlamany júzege asyrýǵa qarjyny kedergisiz bólýge aýdaryp jáne О́ńirlik damý mınıstrligine bıýdjet qarjysynyń merziminde ıgerilýine monıtorıng pen baqylaý júrgizýdi, oblystar, Astana men Almaty qalalarynyń ákimderine ústimizdegi jylǵa josparlanǵan turǵyn úılerdi paıdalanýǵa berýdi qamtamasyz etýdi tapsyrdy. Ákimderge atalǵan baǵdarlamanyń negizgi bólikteriniń biri retinde jeke turǵyn úı qurylysyn qadaǵalaýdy mindettedi.
S.Ahmetov sondaı-aq, О́ńirlik damý mınıstrligi men Indýstrııa jáne jańa tehnologııalar mınıstrligine óńirler ákimderimen birlesip úı qurylysy kombınattaryn júkteý boıynsha baǵdarlama daıyndaýǵa ókim etip, sonymen qatar, ákimderge jergilikti jerlerde jeke turǵyn úı qurylysyn merziminde paıdalanýǵa berýdi qamtamasyz etýdi tapsyrdy.
Dınara BITIKOVA,
«Egemen Qazaqstan».
