Aımaqtar • 07 Tamyz, 2020

Almatyda jyl qorytyndysy boıynsha turǵyn úı qurylysy 14%-ke ósedi

656 ret kórsetildi

Almaty ákimi B.Saǵyntaev búgingi onlaın-kezdesý barysynda qurylys kompanııalarynyń ókilderin kásibı merekemen quttyqtady.

Almaty úshin qurylys salasynyń mańyzy zor, óıtkeni qala ósip keledi, turǵyndardyń sany artyp otyr. Osynyń bári turǵyn úılerdiń, mektepterdiń, aýrýhanalardyń, bala baqshalardyń, qoǵamdyq keńistikterdiń, tıisti ınfraqurylymdardyń salynýyn qajet etedi.

Qala ákimi sońǵy jyldar ishinde megapolıste jyl ishinde qurylys kóleminiń ortasha 3-5%-ke turaqty ósip otyrǵanyn atap ótti. Búgingi kúni qalada turǵyn úı men azamattyq nysandar retinde 816 nysan salynýda. Olardyń 538-i jeke ınvestısııa esebinen, al 278 nysan bıýdjet qarjysymen kóterilip jatyr.

B.Saǵyntaev alda turǵan basty mindetterdiń biri qalalyqtardy turǵyn úımen qamtamasyz etý ekenin atap ótti. О́tken jyly 2,1 mln sharshy metrden astam turǵyn úı paıdalanýǵa berildi, bul 2018 jylmen salystyrǵanda 4,8%-ge artyq.
Bıylǵy jyldyń jeti aıynda 1,1 mln sharshy metr turǵyn úı iske qosyldy. Jyl aıaǵyna deıin taǵy 2,4 mln sharshy metr turǵyn úı paıdalanýǵa beriledi, al bul rekordtyq kórsetkish.

Osylaısha, 2019 jylǵa birshama ósim 14%-ti qurady. Taǵy 21608 páter salynatyn bolady.

Bıylǵy jyly memlekettik «Nurly jer» baǵdarlamasy boıynsha salynǵan áleýmettik turǵyn úılerdiń qurylys kólemi tórt ese ósti. Bul 289 myń sharshy metr turǵyn úı salýǵa múmkindik beredi, ıaǵnı shamamen 5 myń páter iske qosylady.

Sońǵy jyldarda turǵyn úı qurylysynyń qarqyndy júrýi barysynda, ásirese jańadan salynǵan yqshamaýdandarda áleýmettik ınfraqurylymdar nysandarynyń tapshylyǵy baıqaldy. Olar – mektepter, bala baqshalar, emhanalar, qosymsha bilim berý jáne demalys oryndary.

Bul máseleni sheshý úshin ákimdik memlekettik-jeke seriktestik tetigin utymdy paıdalanyp, jańa mektepter men qosalqy nysandar salýdy birden qolǵa aldy. Osynyń arqasynda 20 myńǵa jýyq oqýshy orny ashylady, al bul oryn tapshylyǵyn 80%-ke azaıtýǵa múmkindik beredi. Sonymen qatar, 1350 adam kire alatyn ınnovasııalyq shyǵarmashylyq ortalyqtar salynatyn bolady.

Aıta keterligi, birqatar qurylysty júrgizýshilerdiń qarjylyq jeke bastamalary boıynsha Alataý, Almaly, Naýryzbaı jáne Túrksib aýdandarynda 5700 oryndy bes mektep jáne jeti bala baqsha salý josparlanǵan.

B. Saǵyntaevtyń tapsyrmasy boıynsha bul jumys odan ári jalǵasatyn bolady.

Almaty ákimi qurylysshylardyń qalanyń ınfraqurylymyna qosqan úlesterin de atap ótti. Aǵymdaǵy jyly 177 kóshede 47,4 sharshy metr joldar salynýda. Uzyndyǵy 18,6 shaqyrym bolatyn 112 kóshe joldarynyń qurylysy aıaqtaldy. Jyl sońyna deıin qalǵan 65 kóshede uzyndyǵy 28,8 shaqyrym bolatyn jol qurylysyn aıaqtaý josparlanýda.

Uzyndyǵy 200 shaqyrym bolatyn 283 kósheniń ortasha jóndeý jumystary josparlanǵan. Búgingi kúni uzyndyǵy 62,6 shaqyrym bolatyn 91 kóshe jóndeýden ótti, 151 myń sharshy metr kóleminde aǵymdaǵy jóndeý jáne uzyndyǵy 19,2 shaqyrym bolatyn trotýarlardy salý jumystary júrgizildi. Úsh jolaıryqtyń jáne jalpy uzyndyǵy 3,1 shaqyrymdy quraıtyn «Saryarqa» jáne «Dostyq» metro beketteriniń qurylysy jalǵasýda.

Aǵymdaǵy jyly 126,5 sharshy metr sýmen qamtıtyn, 121,6 sharshy metr sýdan bóletin jeliler salynady, 11 sharshy metr jylý júıeleri, 800 sharshy metr elektr jelileri, 29,2 sharshy metr gaz qubyrlary jóndeledi.

B.Saǵyntaev qurylysshylarǵa qalany damytýǵa qosqan úlesteri úshin alǵys bildirdi jáne pandemııaǵa baılanysty olardyń kúrdeli jaǵdaıda jumys jasaǵandaryn atap ótti. Qıyndyqqa qaramastan qalanyń tynys-tirshiligine qatysy bar ózge de salalarmen birge qurylysshylar qarqyndy eńbek etti. Qurylys kompanııalary qala qurylysyn baqylaý basqarmasymen birge qurylys alańdarynda sanıtarlyq normalardy saqtaý týraly hattama qabyldaǵan bolatyn, al bul jumys prosessin úzbeı júrgizýge múmkindik berdi.

Birqatar qurylys kompanııalarynyń basshylary «Eńbek úshin» tósbelgisimen jáne qala ákiminiń alǵys hattarymen marapattaldy.

Sońǵy jańalyqtar

Tarıhı nysandar jańǵyrtylýda

Qazaqstan • Búgin, 13:05

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar