«Nurly jol» baǵdarlamasynyń aıasynda avtomobıl joldary salasynyń aldynda aýqymdy mindetter tur. Osylaısha, el men álemde qalyptasqan epıdemıologııalyq jaǵdaıǵa qaramastan bıyl joldardyń 2,6 myń shaqyrymynda qozǵalysty ashý josparlanǵan. Qazirgi tańda «Taldyqorǵan – Qalbataý – О́skemen», «Qaraǵandy – Balqash», «Balqash – Býrylbaıtal – Kúrti» «Merki – Býrylbaıtal», «Úsharal – Dostyq», «Atyraý – RF shekarasy (Astrahan)», «Uzynaǵash – Otar», «Qalbataý – Maıqapshaǵaı» joldarynda jáne «Shamalǵan stansııasyndaǵy jol ótpesiniń qurylysy» jobasy aıasyndaǵy jumystar belsendi túrde júzege asyrylyp jatyr. Mınıstr sanıtarlyq normalardy saqtaı otyryp, jumys qarqynyn kúsheıtýdi, qaıta jańartý jumystary júrgizilip jatqan jol ýchaskelerinde kólik qozǵalysyn qamtamasyz etýdi tapsyrdy. lqash - Býrylbaıtal ly qozǵalys jyl sońyna deıin qozǵalys úshin qoljetimdi bolmaq. dy. selektorlyq keńes ótkizdi. ıranbek Barma
Keńes barysynda jergilikti mańyzy bar avtomobıl joldary jelisin damytý máselesi de talqylanǵan bolatyn. Oblys ákimdikterine júrgizilip jatqan jumystardyń sapasyna erekshe kóńil bólý qajettigi usynyldy. Jol aktıvteri sapasynyń ulttyq ortalyǵyna el óńirlerindegi joldarda saraptama júrgizý tapsyryldy. Budan bólek, oblystar men Nur-Sultan, Almaty, Shymkent qalalarynyń ákimdikterine qurylys, qaıta jańartý jáne jóndeý jumystary júrgizilip jatqan nysandardy 50/50 prınsıpi tepe-teń qarjylandyrý júkteldi. Jalpylaı alǵanda, 2020 jyly jergilikti joldardyń 4 myń shaqyrymy jóndeý jumystarymen qamtyldy.
Jol boıyndaǵy qyzmetti damytý máselesi de mınıstrliktiń erekshe baqylaýynda. Búgingi tańda respýblıkalyq mańyzy bar avtomobıl joldarynyń boıynda qyzmet kórsetetin 1838 nysan bar. Olardyń 930 birligi Ulttyq standarttyń talaptaryna saı. Bul rette úzdik kórsetkishterdi Atyraý, Qostanaı, Aqmola jáne Qyzylorda oblystary kórsetip otyr. Al Batys Qazaqstan, Túrkistan, Mańǵystaý jáne Soltústik Qazaqstan oblystary atalmysh reıtıngte sońǵy oryndarǵa jaıǵasqan. Májilistiń qorytyndysy boıynsha jol boıyndaǵy qyzmetti damytý jumystaryn kúsheıtýge, qyzmet nysandaryn Ulttyq standarttyń talaptaryna sáıkestendirýge, sondaı-aq, demalys alańdaryndaǵy bıznesti damytý úshin ınvestorlardy tartý jumystaryn júrgizýge, kásipkerler úshin jol boıyndaǵy jer telimderin usyný jumystaryn belsendendirýge qatysty birqatar tapsyrma berildi.
