Prezıdent • 07 Tamyz, 2020

Qasym-Jomart Toqaev Qorǵanys mınıstri Nurlan Ermekbaevty qabyldady

28 ret kórsetildi

Qorǵanys mınıstri Memleket basshysy – Joǵarǵy Bas qolbasshyǵa qarýly kúshterdiń áskerı jáne jedel daıarlyǵy, Qazaqstan armııasyn damytý týraly esep berdi.

Nurlan Ermekbaev Qasym-Jomart Toqaevqa COVID-19 indetine shaldyqqan azamattardy qabyldaýǵa arnalǵan áskerı medısınalyq gospıtaldiń jumysy týraly baıandady. Sondaı-aq ol áskerı qyzmetshiler respýblıkanyń 10 qalasynda dezınfeksııalaý jumystaryn júrgizgeni jáne qazaqstandyq áskerı dárigerlerdiń elimizge kelgen reseılik áriptesterimen birlesip áreket etip jatqany jaıynda aıtty.

Qorǵanys mınıstri Qarýly kúshterdiń qurylysy jáne damýy tujyrymdamasyn ázirleý týraly da atap ótti.

Qasym-Jomart Toqaev qazaqstandyq áskerdi damytýdy josparlaý kezinde memlekettiń qarjy-ekonomıkalyq múmkindikterin eskerý qajet ekenine basa nazar aýdardy.

Qorǵanys mınıstri Tujyrymdamany ázirleýdiń birinshi kezeńinde bıýdjet qarjysyn únemdeý maqsatynda uıymdyq-shtattyq qurylymdy, áskerı bólimshelerdiń sany men áskerı ınfraqurylym nysandaryn ońtaılandyrýǵa, oq-dárilerdi jáne áskerı tehnıkany tıimdi paıdalanýǵa basymdyq beriletinin jetkizdi.

Nurlan Ermekbaev Qasym-Jomart Toqaevqa áskerı mindettilerdi jedel áskerge shaqyrý naýqanynyń aıaqtalýy týraly aqparat berdi.

Memleket basshysy qaıta qarýlandyrý jumystaryn josparly júrgizýge, áskerdi jańǵyrtýǵa, onyń ishinde, áskerı komıssarıattardyń qyzmetin avtomattandyrý jáne sıfrlandyrý qajettigin atap ótti. Prezıdenttiń pikirinshe, áskerı tártipti jáne jemqorlyqqa qarsy kúresti nyǵaıtýǵa basa mán berý kerek.

Bas qolbasshy Beırýt portyndaǵy jarylys saldarynan zardap shekken adamdarǵa medısınalyq kómek kórsetý úshin Lıvanǵa áskerı medısına qyzmetkerlerin jóneltý máselesin pysyqtaýdy tapsyrdy.

Beıbit ómirge jáne soǵys jaǵdaıyna beıimdelgen tehnıkalyq qyzmetter men áskerı qurylymdardyń tehnogendik jáne tabıǵı sıpattaǵy tótenshe jaǵdaılardy joıýǵa, sondaı-aq, bıologııalyq jáne hımııalyq qaýippen kúreske jumyldyrylý yqtımaldyǵyn eskere otyryp, olardyń turaqty túrde áskerı daıyndyqtan ótip turýy qajet ekeni aıtyldy. 

Sońǵy jańalyqtar

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar