Qazaqstan • 07 Tamyz, 2020

Sybaılas jemqorlyqqa qarsy qyzmet bir aptada 60-tan astam sotqa deıingi tergeýdi tirkedi

34 ret kórsetildi

О́tken aptada Sybaılas jemqorlyqqa qarsy qyzmet 60-tan astam sotqa deıingi tergeýdi tirkedi. 4 sheneýnik ustaldy. Sybaılas jemqorlyqqa qarsy qyzmet Qyzylorda oblysynyń eks-ákimine jáne oblys ákimdiginiń ózge de laýazymdy tulǵalaryna qatysty sotqa deıingi tergeýdi júrgizgeni belgili. Osy jáne ózge de aqparatpen QR Sybaılas jemqorlyqqa qarsy qyzmeti bólisti.

Qazirgi ýaqytta qylmystyq is aıaqtalyp, №2 Qyzylorda qalalyq sotyna berildi. 

  1. Nur-Sultan qalasynyń Sybaılas jemqorlyqqa qarsy qyzmeti «Astana AEK» AQ-nyń (budan ári – AQ) (Nur-Sultan ákimdigi jalǵyz aksıoner) qarajatyn alaıaqtyq jolymen jymqyrý faktisi boıynsha AQ-nyń laýazymdy tulǵalaryna qatysty sotqa deıingi tergeýdi bastady.

Arnaıy jedel-izdestirý sharalaryn júrgizý nátıjesinde AQ-nyń basqarma tóraǵasynyń orynbasary, sondaı-aq onyń baǵynyshtylary – Saryarqa AEK basshysy jáne AQ-nyń satý bóliminiń basshysy, 2020 jyly zańdy tulǵalardyń (saýda jáne oıyn-saýyq, bıznes ortalyqtary jáne t.b.) shyǵyn retinde esepten shyǵarylǵan elektr energııasyn naqty tutyný kólemin azaıtý arqyly AQ-nyń 50 mıllıon teńgeden astam somasyn jymqyrdy.

Jymqyrý shemasy kelesideı: zańdy tulǵalardyń tutynǵan elektr energııasy úshin AQ-ǵa tólenetin qarajattyń 100% -ynyń 30% -yn AQ-nyń laýazymdy tulǵalary para retinde ıemdengen, 50%-y shyǵyn retinde esepten shyǵaryldy jáne 20%-y AQ-ǵa tólendi. Osylaısha, AQ zańdy tulǵalar tutynǵan elektr energııasy úshin tólemniń 80% alǵan joq.

AQ-nyń basqarma tóraǵasynyń orynbasary men AQ-nyń satý bóliminiń basshysy QR QPK-niń 128-babyna sáıkes ustalyp, Nur-Sultan qalasy Polısııa departamentiniń ýaqytsha ustaý ızolıatoryna qamaldy.

Aldyn ala tergeý jalǵasýda.

Is boıynsha túpkilikti sheshim qylmystyq is júrgizý zańnamasynyń talaptaryn oryndaý nátıjeleri boıynsha qabyldanady.

Tergeý múddelerine baılanysty basqa aqparat jarııa etilmeıdi. 

  1. Qaraǵandy oblysy boıynsha Sybaılas jemqorlyqqa qarsy qyzmet UQK qyzmetkerlerimen birlesip, 2020 jylǵy 1 tamyzda janar-jaǵarmaı materıaldaryn zańsyz ıemdený arqyly múlikti jymqyrǵany úshin kúdikke ilingen Qazaqstan Respýblıkasy Ulttyq gvardııasynyń 52859 áskerı bólimi óńirlik qolbasshylyǵynyń orynbasaryn ustady.

Qylmystyq is boıynsha sotqa deıingi tergeý júrip jatyr, tergeý múddelerine baılanysty ózge aqparat jarııa etilmeıdi.

Qylmystyq is boıynsha sotqa deıingi tergeý júrip jatyr, tergeý múddelerine baılanysty ózge aqparat jarııa etilmeıdi. 

  1. Batys Qazaqstan oblysynyń Sybaılas jemqorlyqqa qarsy qyzmeti asa iri mólsherde jymqyrý faktisi boıynsha «BQO Energetıka jáne turǵyn úı-kommýnaldyq sharýashylyq basqarmasy» MM-niń laýazymdy tulǵalaryna qatysty sotqa deıingi tergeýdi bastady. Olar Túrkistan oblysy Arys qalasyndaǵy tótenshe jaǵdaıdyń saldaryn qalpyna keltirý boıynsha 46 turǵyn úıdiń aǵymdaǵy jóndeýine bólingen 50 mln. teńgeden astam somadaǵy asa iri mólsherdegi bıýdjet qarajatyn 2019 jyly tamyz ben jeltoqsan aılary aralyǵynda merdiger uıymmen sóz baılasyp jymqyrǵan. 
  1. Qostanaı oblysynyń Sybaılas jemqorlyqqa qarsy qyzmeti Rýdnyı qalasy ákimdiginiń Rýdnyı qalalyq qurylys bóliminiń burynǵy basshysyna qatysty sotqa deıingi tergeýdi júrgizýde.

Ol Rýdnyı qalasy ákimdiginiń «Balalar men jastardy damytý jáne shyǵarmashylyq saraıy» QMKM ǵımaratyn qaıta jańartý» obektisiniń jobalyq-smetalyq qujattamasyn ázirleý boıynsha memlekettik satyp alýlar týraly kelisim shart boıynsha kásiporynnyń atyna qarajatty zańsyz aýdarý arqyly 4 mıllıon teńgege jýyq bıýdjet qarajatyn jymqyrdy dep kúdiktelýde. 

  1. Qyzylorda oblysynyń Sybaılas jemqorlyqqa qarsy qyzmeti asyl tuqymdy iri qara maldyń jem-shóp qunyn arzandatýǵa aýylsharýashylyq taýar óndirýshisine zańsyz sýbsıdııa berý arqyly 2019 jyly 54 mln teńge kóleminde bıýdjet qarajatyn jumsaý faktisi boıynsha «Qyzylorda oblysynyń aýyl sharýashylyǵy basqarmasy» MM-niń bólim basshysyna qatysty sotqa deıingi tergeýdi júrgizýde.

Kinániń dárejesi týraly túpkilikti sheshimdi sot shyǵarady. 

  1. Aqmola oblysynyń Sybaılas jemqorlyqqa qarsy qyzmeti Stepnogorsk qalalyq aýmaqtyq ınspeksııasynyń memlekettik veterınarııalyq-sanıtarııalyq ınspektorlarynyń birine qatysty sotqa deıingi tergeýdi bastady.

Memlekettik mekemeniń ınspektory taýarlardyń mindetti ilespe qujattarynsyz etti (iri qara mal, jylqy eti, shoshqa eti) kedergisiz bazar aýmaǵynda satý úshin kásipkerlik sýbektilerinen júıeli túrde 2-11 myń teńge mólsherinde para aldy degen kúdikke ilindi.

Para berý faktisi boıynsha joǵaryda atalǵan kásipkerlerge de qatysty sotqa deıingi tergeýler tirkeldi. 

  1. Qostanaı oblysynyń Sybaılas jemqorlyqqa qarsy qyzmeti Qostanaı qalasy ákimdiginiń Jer qatynastary bóliminiń laýazymdy tulǵalaryna qatysty sotqa deıingi tergeýdi bastady.

Olar jer teliminiń naqty baǵasy 37 084 336 teńge bola tura, 4 524 607 teńgege deıin arzandatylǵan baǵaǵa aýdany 1,8804 ga jer ýchaskesin jalǵa alý quqyǵyn satý boıynsha zańsyz aýksıon ótkizýde kásipkerge tıimdilik berý maqsatymen qyzmet babyn asyra paıdalandy dep kúdikteledi. Memleketke keltirilgen shyǵyn 32 107 268 teńgeni qurady. 

  1. Batys Qazaqstan oblysynyń Sybaılas jemqorlyqqa qarsy qyzmeti «BQO Qaratóbe aýdanynyń bilim bólimi» MM-niń laýazymdy tulǵalaryna qatysty qyzmet babyn paıdalana otyryp, iri kólemde jymqyrý faktisi boıynsha sotqa deıingi tergeýdi bastady. Olar 2020 jyldyń mamyr aıynda Qazaqstan Respýblıkasynyń aýmaǵynda tótenshe jaǵdaı engizilgen kezde merdigerlik uıymnyń bir top adamymen birlesip, 100 dana noýtbýk satyp alýǵa bólingen 6 mln teńgeden astam somadaǵy iri mólsherdegi bıýdjet qarajatyn jymqyrdy.

Joǵaryda atalǵan ister boıynsha kúdiktilerge qatysty túpkilikti sheshimdi olardyń kinásiniń deńgeıin anyqtaý arqyly sot qabyldaıtyn bolady.

QPK 201-babyna sáıkes ózge aqparat tergeý múddesi úshin jarııalaýǵa jatpaıdy.

 

Sybaılas jemqorlyqqa qarsy qyzmetpen aıaqtalǵan ister boıynsha sot úkimderi

 

Sybaılas jemqorlyqqa qarsy qyzmettiń buryn aıaqtalǵan qylmystyq isteri boıynsha 20 adamǵa qatysty 18 aıyptaý úkimi shyǵaryldy.

Sot úkimi boıynsha bas bostandyǵynan 2 adam aıyryldy, 3 azamattyń bas bostandyǵy shekteldi, 15-sine aıyppul salyndy, aıyppuldyń jalpy somasy shamamen 62 mln teńgeni (61 842 500 teńge) qurady. Túrli deńgeıdegi 7 basshy sottaldy. 

  1. 2020 jyldyń 27 shildesinde Túrkistan qalalyq sotynyń úkimimen Túrkistan oblysy Mádenıet basqarmasynyń basshysy N.E. Isabek jáne osy basqarmanyń bólim basshysy D. Abdýllaeva árqaısysy 7 jylǵa bas bostandyǵynan aıyryldy.

Isabek Túrkistan oblysynyń «Oblystyq tarıhı-ólketaný murajaıy» MQKK-ǵa basshy laýazymyna taǵaıyndaý úshin deldal D. Abdýllaevadan 700 000 teńge para aldy degen kúdikpen ustaldy.

  1. 2020 jyldyń 30 shildesinde Túrkistan oblysy Keles aýdandyq sotynyń úkimimen Jambyl aýyldyq okrýginiń ákimi B. Qurmanalıev sottaldy jáne oǵan 12 mln teńge aıyppul salyndy.

Ol Jambyl aýyldyq okrýginiń aýmaǵynda «Nurly Jer» memlekettik baǵdarlamasy boıynsha jer ýchaskesin berý týraly máseleni oń sheshkeni úshin 400 myń teńge para aldy degen kúdikke ilindi.

  1. 2020 jyldyń 30 shildesinde Shý aýdandyq sotymen «Jambyl oblysy Shý aýdany ákimdiginiń Turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» KMM basshysy B.J. Eseev jáne Shý aýdany ákimdiginiń TKSh, JK jáne AJ bóliminiń mamandandyrylǵan kópsalaly «Aýyz sý-Shý» sharýashylyq júrgizý quqyǵyndaǵy kommýnaldyq memlekettik kásipornynyń dırektory B.K. Jıenbekov sottalyp, memlekettik qyzmette qyzmet atqarý quqyǵynan ómir boıyna aıyrýmen, árqaısysyna 20 mln. teńge mólsherinde aıyppul salyndy.

Olar Shý aýdanynyń eldi mekenderindegi sý qubyry jelilerin aǵymdaǵy jóndeýge arnalǵan 2 mln.t eńge bıýdjet qarajatyn JK G. A. Djýnýsovanyń esep shotyna aýdarý jáne olardy odan ári qolma-qol aqshaǵa aınaldyrý arqyly jymqyrdy degen kúdikke ilindi.

  1. 2020 jylǵy 3 tamyzda Mahambet aýdandyq sotymen «Atyraý oblysy Mahambet aýdanynyń Turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» MM-niń basshysy M. Ershıkov memlekettik qyzmette laýazymdardy atqarý quqyǵynan ómir boıyna aıyrýmen, 5 mln. teńge mólsherinde aıyppul salyndy.

Ol Mahambet aýdanynyń jeke kásipkerlerinen «О́ńirlerdi damytý» memlekettik baǵdarlamasy boıynsha bólingen aýdan halqyn aýyz sýmen qamtamasyz etý boıynsha shyǵyndardy sýbsıdııalaý aıasynda oryndalǵan jumystardyń aktilerine qol qoıý úshin birneshe ret 145 myń teńge para alǵany jáne Atyraý oblysy ákimdigi basshylyǵymen kezdesý uıymdastyrý úshin qarjylyq kómek kórsetý syltaýymen 160 myń teńge somasynda aqsha qarajatyn alaıaqtyq jolmen ıemdengeni úshin kúdiktelgen.

  1. 5. 2020 jylǵy 6 tamyzda Qorǵaljyn aýdandyq sotynyń úkimimen «Aqmola oblysy Bilim basqarmasynyń janyndaǵy Qorǵaljyn aýylynyń Agrotehnıkalyq kolledji» MKQK dırektory A. Qospanov sottalyp, 3 jylǵa bas bostandyǵynan aıyryldy.

Ol qyzmettik jalǵandyq jasaý jáne qyzmettik ókilettigin teris paıdalaný arqyly 3 mln teńgeden astam bıýdjet qarajatyn jymqyrdy degen kúdikke ilindi.  

Sottalǵan adamdar memlekettik qyzmette laýazymdardy atqarý quqyǵynan ómir boıyna aıyryldy.

Sonymen qatar, laýazymdy tulǵalarǵa para berý faktisi boıynsha – 10 adam, alaıaqtyq faktisi boıynsha – 2 adam jáne qyzmettik ókilettigin teris paıdalaný faktisi boıynsha – 1 adam sottaldy.

Sońǵy jańalyqtar

Tarıhı nysandar jańǵyrtylýda

Qazaqstan • Búgin, 13:05

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar