Bıznes • 08 Tamyz, 2020

Úkimette kásipkerlikti damytý máseleleri qaraldy

18 ret kórsetildi

QR Premer-Mınıstri Asqar Mamın kásipkerlik máseleleri jónindegi Jobalyq ofıstiń  otyrysyn ótkizdi, dep habarlaıdy Premer-Mınıstrdiń Baspasóz qyzmeti.

«Qarapaıym zattar ekonomıkasy» jeńildikti nesıelendirý baǵdarlamasyn iske asyrýdyń aralyq qorytyndysy, memlekettik satyp alýdaǵy, «Samuryq-Qazyna» UÁQ» AQ jáne jer qoınaýyn paıdalanýshylardyń satyp alýlaryndaǵy jergilikti qamtý máselesi, sondaı-aq asa zardap shekken salalardaǵy bıznes sýbektilerine júrgizilgen saýalnama nátıjesi men olardyń damý perspektıvasy qaraldy.  

Otyrysqa Úkimet músheleri, óńirler ákimderi, «Samuryq-Qazyna» UÁQ» AQ,  «Atameken» UKP, «Báıterek» UBH» AQ, «Damý» KDQ, «Agrarlyq nesıe korporasııasy» AQ, Qazaqstan qarjygerleri qaýymdastyǵynyń basshylyǵy, óńirlik kásipkerler palatalarynyń ókilderi jáne t. b. qatysty. 

2020 jylǵy 1 tamyzdaǵy jaǵdaı boıynsha «Qarapaıym zattar ekonomıkasy» jeńildikti nesıelendirý baǵdarlamasy boıynsha 504 mlrd teńge somasyna 2201 joba maquldandy, 292 mlrd teńge somasyna 1628 joba sýbsıdııalandy. Sýbsıdııalanǵan jobalar boıynsha kósh basynda Nur-Sultan jáne Almaty qalalary, sondaı-aq Jambyl jáne Qostanaı oblystary, al Pavlodar, Qyzylorda, Atyraý oblystarynda tómen dınamıka baıqaldy.  

Qazaqstanda a.j. qańtar-shilde aılarynda 4,9 trln teńgege memlekettik satyp alý ótkizildi, onyń ishinde 42%-y «qarapaıym zattar ekonomıkasy» salasynyń otandyq taýar óndirýshileri arasynda ótkizildi. Bul rette jergilikti qamtýdyń aýqymdy úlesi Almaty, Shyǵys Qazaqstan, Soltústik Qazaqstan, Atyraý, Túrkistan, Qaraǵandy oblystarynda, sondaı-aq Almaty qalasynda qamtamasyz etildi, al Jambyl oblysy men Nur-Sultan qalasynda eń tómengi kórsetkishter tirkeldi.  

Úkimet basshysy «Qarapaıym zattar ekonomıkasy» jeńildikti nesıelendirý baǵdarlamasy boıynsha qarajattyń ıgerilý tıimdiligin arttyrý maqsatynda jobalardy súıemeldeý boıynsha óńirlik jobalyq ofısterdiń jumysyn jáne kásipkerlerge qajetti qoldaýdy kórsetýdi, sondaı-aq týyndaıtyn kedergilerd joıýdy kúsheıtýdi tapsyrdy.   

Qarjy naryǵyn retteý jáne damytý jónindegi agenttikke Qazaqstan qarjygerleri qaýymdastyǵymen birlesip, bıylǵy tamyz aıynyń sońyna deıin ekinshi deńgeıli bankterdiń kepilmen qamtamasyz etý jónindegi retteýshi talaptaryn jeńildetý máselesin pysyqtaý, sondaı-aq nesıe berý máseleleri boıynsha bıznes sýbektilerimen ózara is-qımyldy kúsheıtý tapsyryldy.

Retteletin satyp alýdaǵy jergilikti qamtý úlesin ulǵaıtý maqsatynda Premer-Mınıstr óńirlerdiń ákimdikterine, «Samuryq-Qazyna» Qoryna naqty júrgizilgen satyp alýlar boıynsha tolyq esep berýdi qamtamasyz etý, sondaı-aq jergilikti qamtý jónindegi óńirlik komıssııalardyń jumysyn jandandyrýdy tapsyrdy.

«Samuryq-Qazyna» qoryna otandyq taýar óndirýshilermen, onyń ishinde ázirlenip jatqan ataýly qoldaý tetigi aıasynda offteık-kelisimsharttar jasasý jónindegi jumysty jalǵastyrý týraly tapsyrma berildi.

Úkimet basshysy «Atameken» UKP-nyń eń kóp zardap shekken ekonomıka sektorlaryndaǵy bıznes sýbektilerine júrgizgen saýalnamasynyń qorytyndysy boıynsha eki apta ishinde atalǵan sanattaǵy kásipkerlerdi odan ári qoldaý jóninde usynystar ázirleýdi tapsyrdy.

Sońǵy jańalyqtar

Tarıhı nysandar jańǵyrtylýda

Qazaqstan • Búgin, 13:05

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar