Aımaqtar • 08 Tamyz, 2020

Almatyda esirtki óndirisin uıymdastyrǵan eki er adam quryqtaldy

10 ret kórsetildi

2020 jylǵy 27 shildede Ulttyq qaýipsizdik komıteti Almaty qalasynda zerthana jaǵdaıynda sıntetıkalyq esirtki óndirisin uıymdastyrǵan Qazaqstannyń eki azamatyn ustady. Bul týraly Ulttyq qaýipsizdik komıtetine silteme jasaı otyryp Egemen.kz habarlaıdy.

Zerthanany, ustalǵandardyń turǵyn úıi men avtokóligin tintý barysynda satýǵa daıyn jáne krıstaldaý kezeńinde turǵan jalpy alǵanda 55 kg-dan artyq joǵary sapaly "mefedron" esirtki zaty (alynǵan partııanyń "qara naryqtaǵy" quny shamamen 1,5 mıllıard teńgeni quraıdy), sondaı-aq iri somadaǵy shetel valıýtasy men atys qarýy alyndy. 

Odan basqa, esirtki óndirýdiń tolyq ári sapaly sıklyn qamtamasyz etetin zerthana jabdyǵy, 30 kg esirtki jasaý úshin jetkilikti bir tonnaǵa jýyq prekýrsor men hımııalyq reagentter  alyndy.

Ustalǵan adamdar tergeý ızolıatoryna qamaldy. Esirtki jasaý jáne ótkizý faktisi boıynsha múlikti tárkileýmen on bes jylǵa deıingi merzimge bas bostandyǵynan aıyrý jazasyn kózdeıtin QR QK 297-baby 3-bóligi boıynsha qylmystyq is qozǵaldy.

Kúdiktiler bastapqyda turǵylyqty jeri boıynsha jasyryn esirtki sıntezin uıymdastyrǵan. Keıinnen esirtki zatyn satýdan túsken aqshaǵa "Ile-Alataý ulttyq parki" aýmaǵynda kottedj satyp alyp, onda "mefedron" óndirý boıynsha tolyqqandy jasyryn zerthana ashqan.    

О́nerkásip aýqymyndaǵydaı óndirilgen esirtki iri partııalarda Internet jelisiniń "DarkNet" kóleńkeli segmentinde áreket etetin iri esirtki dúkenderiniń ókilderine ótkizilip otyrǵan. Bul rette, esirtki úshin tólemdi basym kópshiliginde bıtkoındarmen alǵan.  

Ustalǵandardyń aıtýy boıynsha, óndirilgen esirtki Qazaqstanda tazalyǵy men sapasy boıynsha uqsasy bolmaǵandyqtan, iri qalalardyń satyp alýshylary arasynda joǵary suranysqa ıe bolǵan.

Sońǵy jańalyqtar

Tarıhı nysandar jańǵyrtylýda

Qazaqstan • Búgin, 13:05

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar