Polısııa qyzmetkerleri kóshelerde jáne qoǵamdyq oryndarda urlyqtyń aldyn alý boıynsha profılaktıkalyq túsindirý is-sharalaryn júrgizedi, býkletter taratady jáne olardy adamdar kóp jınalatyn oryndarǵa iledi.
Jańaózen qalasynyń kezekshi bólimine 21 jastaǵy jergilikti turǵyn qalta urlyǵy týraly aryzdanǵan. Azamatsha polıseılerge kóshede belgisiz bireý ámııanyn sómkesinen urlap, oqıǵa ornynan qashyp ketkenin aıtty.
Atalǵan fakti boıynsha qylmys belgilerine baılanysty qylmystyq is qozǵaldy. Jedel-izdestirý is-sharalaryn júrgizý nátıjesinde qylmystyq izdestirý bóliminiń jedel ýákilderi kúdiktini anyqtady.
Ol polısııa esebinde turǵan Atyraý qalasynyń 29 jastaǵy jumys istemeıtin turǵyny bolyp shyqty. Tergeý barysynda ustalǵan adamnyń taǵy bir urlyqqa qatysy bar ekeni anyqtaldy. Jańaózen turǵyny polısııaǵa urlyq týraly aryzdanǵan. Belgili bolǵandaı, qaskúnem terezeni kúshtep ashyp, páterge kiredi.
Sóıtip shkafta saqtalǵan 16 altyn áshekeıdi urlap ketken. Jábirlenýshige keltirilgen shyǵyn – 2 mıllıon teńge. Jaýap alý kezinde ol qylmysyn moıyndady.
Tergeý is-áreketterin júrgizý barysynda urlanǵan zattar kúdiktiden tárkilenip, qylmystyq is materıaldaryna zattaı aıǵaq retinde qosyldy. Materıal sotqa jiberildi.
– О́z múlkińizge muqııat bolyńyz! Qalta urlyǵy sııaqty qylmystyń qurbany bolmas úshin, zattardy senimdi jerlerde, ishki qaltalarda nemese túımesi bar qaltada saqtaǵan jón. Eshbir jaǵdaıda qundy zattardy jeńil qoljetimdi kıim qaltasyna, rıýkzaktyń qaltasyna, sondaı-aq sómkeniń búıir qaltasyna salýǵa bolmaıdy, – dep eskertedi polısııa departamentiniń bastyǵy Janarbek Baqtybaev.
Eger ury adamnan birdeńe urlaǵysy keletin bolsa jáne onyń aınalasyndaǵy adamdardar eshkim ony baıqamaıtyn bolsa, mundaı jaǵdaıda aınalasyndaǵy adamdardyń nazaryn aýdaryp, qundy zatty kimniń urlaǵysy keletinin kórsetken durys.
Polıseıler eger qalta urlyq oryn alyp jatsa, uryny aqyl-sanaly azamattar ustaǵan bolsa, biraq, ókinishke oraı, jaqyn mańda polısııa qyzmetkerleri bolmasa, eń aldymen, urynyń alǵan zattarynan qutylyp ketpeýin sharalar qabyldaý, jábirlenýshini, kýágerlerdiń sheńberin anyqtap, ishki ister organdaryna “102” telefony arqyly shuǵyl qońyraý shalý kerektigin aıtady.
