Úkimet • 08 Tamyz, 2020

A.Mamınniń Aqkól qalasyna jumys sapary: "aqyldy qalalar" men Qazaqstannyń ǵaryshtyq baılanys júıesin damytý

32 ret kórsetildi

Premer-Mınıstr Asqar Mamın Aqmola oblysynyń Aqkól qalasyna jumys sapary kezinde "Sıfrlyq Qazaqstan" memlekettik baǵdarlamasy aıasynda "aqyldy qalalar" jobalaryn iske asyrý barysyn, sondaı-aq ulttyq ǵaryshtyq baılanys júıesiniń damýyn tekserdi. Bul týraly Premer-Mınıstrdiń baspasóz qyzmetine silteme jasaı otyryp Egemen.kz habarlaıdy.

Úkimet basshysy "aqyldy qalalardyń" zamanaýı tehnologııalaryn engizý boıynsha "SmartAqkol" jobasynyń ózegi bolyp otyrǵan "Qazaqtelekom" AQ-nyń Ahýaldyq ortalyǵynyń jáne Derekterdi óńdeý ortalyǵynyń jumysymen tanysty. 

Joba "Sıfrlyq Qazaqstan" memlekettik baǵdarlamasy aıasynda joldaǵy jáne qoǵamdyq qaýipsizdikti, onyń ishinde bilim berý mekemeleri men nysandaryndaǵy beınebaqylaý, densaýlyq saqtaý salasyndaǵy monıtorıng pen basqarý, sondaı-aq ǵımarattar men turǵyn úılerdi jańa býynnyń "aqyldy" jabdyqtarymen jabdyqtaý arqyly qalanyń qalypty tynys-tirshiligin keshendi qamtamasyz etý maqsatynda júzege asyryldy.    

"Aqkól" ǵaryshtyq baılanys ortalyǵyn aralaý kezinde Premer-Mınıstrge "Kazsat" ulttyq ǵaryshtyq baılanys júıesiniń damýy týraly baıandaldy, bul baılanys júıesi "KazSat-2", "KazSat-3" qos jerseriginen jáne Aqmola oblysyndaǵy "Aqkól" jáne Almaty oblysyndaǵy "Kókterek" qos jerústi basqarý kesheninen turady. "Aqkól" ǵaryshtyq baılanys ortalyǵynyń quramyna ǵarysh apparattarynyń ushýyn basqarý ortalyǵy, monıtorıngti basqarý ortalyǵy, apparattyq-baǵdarlamalyq jáne metrologııalyq qamtamasyz etý ortalyǵy, ınfraqurylymdy paıdalaný qyzmeti kiredi.        

Qazirgi kezde "KazSat" baılanys jerserikteriniń qyzmetin 15 negizgi qazaqstandyq baılanys jáne taratý operatory paıdalanady. "KazSat" ǵaryshtyq baılanys júıesiniń júktemesi 73%-ǵa jýyq. 

Saparǵa Premer-Mınıstrdiń orynbasary R. Sklıar, Sıfrlyq damý, ınnovasııalar jáne aeroǵarysh ónerkásibi mınıstriniń mindetin atqarýshy B.Mýsın, Aqmola oblysynyń ákimi E.Marjyqpaev, "Qazaqtelekom" AQ basqarma tóraǵasy Q.Esekeev jáne t.b. qatysty. 

Sońǵy jańalyqtar

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar