Baǵdarlamalar • 08 Tamyz, 2020

Aýyl sharýashylyǵy mınıstrligi germanııalyq ınvestorlarǵa perspektıvaly salalardy belgiledi

34 ret kórsetildi

Qazaqstan men Germanııanyń agroónerkásiptik kesheni yntymaqtastyǵy aıasyndaǵy jumystar jaıly Aýyl sharýashylyǵy birinshi vıse-mınıstri Aıdarbek Saparov GFR Azyq-túlik jáne aýyl sharýashylyǵy Federaldy mınıstrliginiń Parlamenttik stats-hatshysy Ýve Faılermen talqylady. Kezdesý iskerlik jáne ǵylymı orta ókilderiniń qatysýymen onlaın-formatta ótti. Beınekonferensııada taraptar agrarlyq sala problemalaryn, onyń ishinde COVID-19 pandemııasynyń tamaq ónimderin óndirý men ótkizýge tıgizgen áserin talqylady. Bul týraly AShM baspasóz qyzmetine silteme jasaı otyryp Egemen.kz habarlaıdy.

Sondaı-aq jobalyq qyzmet sheńberinde jaqyn aradaǵy bir jylǵa arnalǵan tyǵyz yntymaqtastyq baǵytyn belgiledi.

Saıası jáne qoǵamdyq pikirtalastarda COVID-19 taqyryby ózekti bolyp tabylady. Koronavırýs ınfeksııasynyń taralýy ekonomıkanyń barlyq salalaryna, sonyń ishinde aýyl sharýashylyǵyna da áser etti. Pandemııanyń belsendi áreketi kezinde kóptegen elder óz shekaralaryn jaýyp, avtokólikterdiń qozǵalysyn shektedi, bul azyq-túlik ónimderin ýaqtyly jetkizýge kedergi boldy. Kóptegen sharýashylyq áli kúnge deıin jumysshylardyń jetispeýshiligin bastan keshýde-osy jáne basqa da kóptegen problemalar azyq-túlik qaýipsizdiginiń mańyzdylyǵyn aıqyndady.

"Tıisti qorytyndy jasap, pandemııa jalǵasqan jaǵdaıda qaýip-qaterge daıyn bolý kerek. Bul baǵytty Germanııa Eýroodaq Keńesine tóraǵalyq etken kezden bastap strategııalyq baǵyt retinde belgiledi", dep atap ótti óz baıandamasynda Parlamenttik stats-hatshy Ýve Feıler.

"Sharýalar úshin alǵa qoıǵan maqsattar oryndalýy kerek. Olardy qoldaý kerek. Bul baǵyttaǵy ilgerileý kópjyldyq qarjylandyrý baǵdarlamasy boıynsha ári qaraıǵy kelissózderge, birlesken agroónerkásip saıasaty jáne fermerlik sharýashylyq strategııasyna baılanysty. EAEO-da janýarlardyń ál-aýqatyna jáne keńeıtilgen qorektik qundylyqtarǵa qatysty biryńǵaı sapa belgisin qurý qajet", dedi ol.

Bul baǵyttar Germanııa men Qazaqstan yntymaqtastyǵynyń ekijaqty baǵdarlamasy sheńberindegi jobalyq jumystarda kórinis tabady. Nemis tarapy óz agrarlyq azyq-túlik sektoryn damytýda qoldaý kórsetý úshin sheteldik áriptestermen tájirıbe almasýǵa daıyn ekenin bildirdi.

О́z kezeginde, QR Aýyl sharýashylyǵy birinshi vıse-mınıstri Aıdarbek Saparov qazirgi ekonomıkalyq jaǵdaıda qazaqstandyq agrarlyq salany damytý vektorlary aýyl sharýashylyǵy ónimderin qaıta óńdeýdi tereńdetýge, azyq-túlik ónimderin óndirýdi ulǵaıtý esebinen eldiń azyq-túlik qaýipsizdigin qamtamasyz etýge jáne ımportty almastyrýǵa baǵyttalatynyn aıtty.

A.Saparovtyń aıtýynsha, aýyl sharýashylyǵyndaǵy eńbek ónimdiligin arttyrý úshin salany tehnıkalyq jáne tehnologııalyq turǵydan qaıta jaraqtandyrýǵa basa nazar aýdarylatyn bolady. О́simdik sharýashylyǵynda birinshi kezekte sapaly tuqym, tyńaıtqyshtardy qoldaný, zamanaýı tehnıkalar. Mal sharýashylyǵynda asyl tuqymdy mal úlesi ulǵaıtylady.

"Búgingi kúni vedomstvo aldynda óndiristi barynsha damytý mindeti tur, sol arqyly basym baǵyttardaǵy ınvestısııalyq jobalardy iske asyrý arqyly ımportqa táýeldilikti azaıtýǵa bolady", dedi ol.

"Aýyl sharýashylyǵy mınıstrligi ımportty almastyrýmen jáne eksportty damytýǵa tikeleı baılanysty salalarǵa ınvestısııa salýdyń eń perspektıvaly baǵyttaryn bóldi: et, sıyr, qoı jáne shoshqa etin qosa alǵanda, et óndirý, qaıta óńdeý, sút, jemis-jıdek pen kókónisterdi óndirý jáne óńdeý, onyń ishinde jylyjaı kókónisteri; maıly daqyldar men dándi daqyldardy qaıta óńdeý, sonymen qatar jyl saıyn elde jáne álemde tanymal bola túsetin organıkalyq ónimder óndirisi", dep tolyqtyrdy birinshi vıse-mınıstr.

Sonymen qatar, taraptar Germanııa-Qazaqstan agrarlyq-saıası dıalogynyń ekijaqty yntymaqtastyq jobasyn júzege asyrýdy talqylady.

GKAPD – 2009 jyly Qazaqstan Respýblıkasynyń Aýyl sharýashylyǵy mınıstrligi men Germanııa Federatıvtik Respýblıkasynyń Azyq-túlik jáne aýyl sharýashylyǵy federaldy mınıstrligi arasynda qurylǵan ekijaqty yntymaqtastyq jobasy.

Agrarlyq-saıası dıalog ókilderi beınekonferensııaǵa qatysýshylardy aldaǵy jyldyń josparlarymen tanystyrdy. Jumys eki baǵytta – organıkalyq aýyl sharýashylyǵyn damytý jáne agroónerkásiptik keshendi qarjylandyrý arqyly júzege asyrylady.

"Organıkalyq aýyl sharýashylyǵy salasynda - biz osy baǵytta jumys isteı bastadyq. Birinshiden, biz naryqty taldap, Eýropaǵa organıkalyq ónimderdi eksporttaý múmkindikterin zerttegimiz keledi. Bul qazaqstandyq aýylsharýashylyq taýar óndirýshilerge jańa eksporttyq naryqtarǵa shyǵý perspektıvalaryn kórýge kepildik berýi kerek", dedi jobalyq toptyń jetekshisi Aleksandr Barnevıs.

Agroónerkásiptik keshendi qarjylandyrý baǵytynda jobalyq top «QazAgro» qorjynynan ınvestısııalaý múmkindigi bar qazaqstandyq kompanııalardy tańdaýdy josparlap otyr.

"Biz Germanııadan seriktester taýyp, jańa naryqtar asha alamyz", dedi A.Barnevıs.

Kezdesý sońynda aýyl sharýashylyǵy birinshi vıse-mınıstri Aıdarbek Saparov senimdi, naqty nátıjelerge baǵyttalǵan jumysty jalǵastyrýǵa jáne Qazaqstan Respýblıkasynda áleýetti jergilikti áriptesterdi izdeýge járdem kórsetýge daıyn ekendigin bildirdi.

Esterińizge sala keteıik, aǵymdaǵy jyldyń qańtar aıynda Qazaqstan Respýblıkasynyń Aýyl sharýashylyǵy birinshi vıse-mınıstri Aıdarbek Saparov bastaǵan qazaqstandyq delegasııa Berlınde ótken "Jasyl apta 2020" (International Green Week 2020) halyqaralyq azyq-túlik kórmesiniń saltanatty ashylýyna qatysty.

О́tken beınekonferensııa iskerlik kezdesýdiń jalǵasy bolyp tabylady.

Sońǵy jańalyqtar

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Shekten shyqqan ahýal joq

Aımaqtar • Keshe

Atyraýda egiz ul aman-esen tabyldy

Aımaqtar • 25 Qyrkúıek, 2020

Shymkentte karantındik shekteýler 12 qazanǵa deıin uzartylady

Ońtústik Qazaqstan • 25 Qyrkúıek, 2020

Atyraýda jol boıynda traktor aýdaryldy

Aımaqtar • 25 Qyrkúıek, 2020

Qostanaı oblysynda qus fabrıkasy ashylady

Aımaqtar • 25 Qyrkúıek, 2020

Or ózenin ortaıtyp otyrǵan kimder?

Vıdeo • 25 Qyrkúıek, 2020

Shyǵysta jazýshy músini tuǵyrǵa qondy

Rýhanııat • 25 Qyrkúıek, 2020

Uqsas jańalyqtar