Aımaqtar • 09 Tamyz, 2020

Eki kúnde balalardyń qatysýymen eki jol apaty bolǵan 

27 ret kórsetildi

Eki kúnde balalardyń qatysýymen eki jol apaty bolǵan, dep habarlaıdy Egemen.kz 

Jazǵy kanıkýl kezinde balalardyń kinásinen bolatyn jol apaty kóbeıe túsedi. О́tken aptada Petropavldyń Panfılov pen Fýrmanov kósheleriniń qıylysynda 1990 jyly týǵan áıel "Daihatsu"  avtomobılimen kele jatyp, skýter mingen 15 jasar jasóspirimdi soqty. Bala astyndaǵy skýterimen qarsy jolǵa shyǵap ketken. Qazir ol aýyr dene jaraqatyn alyp, aýrýhanaǵa tústi.

Ekinshi kúni Pýshkın kóshesinde "Volkswagen Passat" avtomashınasy 11 jasar balany soqty. Em ornyna jetkizilgen soń bala esin jınap, úıine jiberildi. Al 32 jasar júrgizýshiniń ústinen ákimshilik jaza qoldaný úshin is qozǵaldy. О́ıtkeni, ol jol tártibi boıynsha balany ótkizip jiberýi kerek-tin.

"Jaz aılarynda kóshelerde balalar kóp júretin bolǵandyqtan júrgizýshiler saq bolýy kerek. Ata-analar da balalaryna jol qaýipsizdigin únemi eskertkenderi jón. Joldan ótkende qulaqqapty salýǵa bolmaıdy, óıtkeni kelip qalǵan kóliktiń dybysyn estimeı qalasyń. Velosıpedpen kele jatyp joldy keskende ony jetektep alý kerek. Mine, osyndaı eskertýler ata-analar tarapynan únemi jasalyp otyrǵany jón", deıdi SQO PD birinshi orynbasary, polkovnık Qanat Aıtbaev.  

Ústimizdegi jyldyń jeti aıynda Soltústik Qazaqstan joldarynda balıǵatqa tolmaǵan balalardyń qatysýymen 14 jol-kólik apaty bolǵan. Sonyń úsheýinde balalardyń kináli bolyp shyqqan.

 

Uqsas jańalyqtar