Parlament • 10 Tamyz, 2020

Depýtattardyń aımaqtardaǵy sapary jalǵasýda

25 ret kórsetildi

Senat depýtaty R.Ábdikerov jumys saparymen Qara­ǵandy oblysynda boldy. Ol óńirdegi birneshe aýdannyń tur­ǵyndarymen kezdesip, qurylys nysandaryna, mektepter men medısınalyq mekemelerge bardy.

Senator mektep, kolledj ǵımaraty men dárigerlerge arnalǵan jataqhana qurylysymen tanysty. R.Ábdikerov sot júıesiniń ókilderimen de kezdesti. Ol birqatar zańdarǵa ózgerister men tolyqtyrýlar engizilgenine toqtalyp, olar halyqtyń ál-aýqatyn jaqsartýǵa baǵyttalǵanyn aıryqsha atap ótti. Senator aýyldarǵa saparynda aýyl sharýashylyǵynyń damýyna erekshe nazar aýdardy. Fermerler egin egý aýmaǵyn, mal basyn arttyrý maqsatynda qosymsha sýbsıdııaǵa muqtaj ekenin jetkizdi.

 * * *

Senator B.Shelpekov Mańǵystaý oblysynda jumys saparymen boldy. Sapar aıasynda óńir basshylarymen jáne máslıhat depýtattarymen, kásipkerlermen, qoǵam belsendilerimen jáne bilim salasynyń qyzmetkerlerimen kezdesti. Senator jańa oqý jylynda pandemııaǵa baılanys­ty qashyqtan oqytý úshin muǵalimder men oqýshylardy kompıýterlermen qamtamasyz etip, ınternetke qoljetimdilikti arttyrýdyń mańyzyn jetkizdi. Kezdesýde mektepterdi qarjylandyrý, pedagogtardyń mártebesin kóterý, mektep dırektorlaryn taǵaıyndaýdyń jańa tártibi máseleleri sóz boldy. Ol balalarǵa qatysty qylmystyń aldyn alý máselesiniń mańyzyna pedagogterdiń nazaryn aýdartty. Sonymen qatar senator óńirlik energetıka salasynyń mamandarymen kezdesip, osy salanyń máseleleri men bolashaǵyn talqylady.

 * * *

Senat depýtaty S.Eńsegenov Atyraý oblysynyń turǵyndarymen kezdesýi barysynda Reseı jalǵa alǵan Taısoıǵan polıgonynyń aýmaǵynan Qyzylqoǵa aýdanynyń 750 gektar jeri qaıtarylǵanyn sóz etti. Kóp jyldar boıy Reseı tarapymen júrgizilgen kelissózderden keıin jalǵa berý jónindegi kelisimshartqa ózgerister engizilip, úlken aýmaqty alyp jatqan jaıylym jeri zańdy túrde óńir turǵyndarynyń ıgiligine qaıtarylǵan edi. Sonyń arqasynda jergilikti sharýalar mal ósirýdi qolǵa alsa, munaı-gaz kompanııalary eki birdeı jańa ken ornyn ıgere bastady. Sonymen qatar senator Taısoıǵandaǵy sharýa qojalyqtaryna arnaıy baryp, sharýalarmen kezdesti. Turǵyndar polıgondy Reseıge jalǵa berýge qatysty keıbir máselelerdiń oń sheshilýine baılanys­ty jer alyp, óz kásibin bastaýǵa múmkindik týǵanyn aıtty. Qazirgi tańda burynǵy polıgon aýmaǵynda 33 sharýa qojalyǵy jumys istep jatyr.

 * * *

Senator E.Sultanov Soltústik Qazaqstan oblysyna sapary barysynda Qyzyljar, Aqqaıyń, Aıyrtaý jáne Esil aýdandarynda boldy. О́ńirde depýtat memlekettik baǵ­dar­lamalardyń, onyń ishinde «Aýyl – El besigi» baǵdar­la­masynyń qalaı oryndalyp jatqanyn bilý úshin túrli ny­sandardy aralady. E.Sultanov Astrahanka, Smırnovo jáne Antonovka aýyldarynyń turǵyndarymen kezdesip, atalǵan eldi mekenderdi sýmen jabdyqtaý jáne abattandyrý máselelerin talqylady. Depýtat jóndelgen balabaqshalar men mektepterge, sondaı-aq jańa aýdandyq feldsherlik pýnktke bardy. Senator óz saparynda aýyl sharýashylyǵyn damytý taqyrybyna jiti nazar aýdardy.

 * * *

Senat depýtaty B.Jumaǵulov Á.Bókeıhan atyndaǵy Qazaq orman sharýashylyǵy jáne agroormanmelıorasııa ǵylymı-zertteý ınstıtýtynyń dendrologııalyq saıabaǵynda boldy. Shýche qalasyndaǵy bul ǵylymı ortalyqtyń qyzmetimen tanysý barysynda senator ósimdikterdiń 600-den astam túri usynylǵan ıntrodýsentter toptamalarynyń áralýandyǵyna nazar aýdardy. Instıtýt orman florasyn saqtaýmen jáne kóbeıtýmen, orman ekpelerin adam ómirinde paıdalanýdyń jańa múmkindikterin qamtamasyz etýmen aınalysady. Senator elorda aınalasyn jáne elimizdiń iri qalalaryn kógaldandyrý, orman ǵylymyn damytý, ǴZI nysandarynyń ınfraqurylymyn jańǵyrtý, Qazaqstanda týyndaıtyn ekologııalyq problemalardy sheshýdegi ǵalymdardyń róli máselelerin kóterdi.

 

 

Sońǵy jańalyqtar

Elik atqan brakoner ustaldy

Aımaqtar • Keshe

Bastaýdaǵy bereke

Aımaqtar • Keshe

Tutastyqtyń tuǵyr dińi

Aımaqtar • Keshe

"Damýmen" birge damıdy

Aımaqtar • Keshe

Eldiktiń jampoz jyrshysy

Rýhanııat • Keshe

Uqsas jańalyqtar