Abaı • 10 Tamyz, 2020

Abaı kúnine oraı onlaın konsert ótedi

52 ret kórsetildi

10 tamyz - Abaı kúnine oraı búgin saǵat 21:00-de Qazaqkonserttiń YouTube arnasynda "Abaı armany" atty konserttiń onlaın kórsetilimi ótedi, - dep habarlaıdy Egemen.kz Qazaqkonserttiń baspasóz qyzmetine silteme jasap.

"Ult rýhanııatynyń temirqazyǵyna aınalǵan Abaıdyń 175 jyldyǵy aıasynda "Abaı kúni" degen ataýly datanyń belgilenýi biz úshin qýanyshty jańalyq boldy. Uly Abaıdyń baı mýzykalyq murasynda ulttyq ónege men mol taǵylym jatyr. Sondaı-aq poetıkalyq jáne kompozıtorlyq týyndylarymen qazaq mýzykasyna jańa lep ákelgen Abaıdyń án murasy erekshe sulýlyǵymen, kórkemdik baılyǵymen, áýezdiligimen qundy. Abaıdyń shyǵarmashylyǵyna ǵana tán osy Qazaqkonsert solısteri usynatyn jańa konserttik baǵdarlama kórinis tabady", - dedi Qazaqkonserttiń basshysy Jeńis Seıdýllauly.

Onlaın konsertte belgili ánshiler, Qazaqstannyń eńbek sińirgen qaıratkerleri Bıbigúl Januzaq, Azamat Jyltyrkózov, Medet Shotabaev, Erlan Rysqalı, Ardaq Balajanova jáne halyqaralyq baıqaýlardyń laýreattary Asqar Muqııat, Aıaýlym Qamajan óner kórsetedi. Onlaın formatta ótetin merekelik konsertte Abaıdyń ánderi men onyń óleńderine jazylǵan ánder oryndalady.

 

 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar