Sport • 10 Tamyz, 2020

Elordanyń jas shahmatshylary Sıngapýr, Gonkong jáne Penangtaǵy qarsylastaryn jeńdi

13 ret kórsetildi

Sportshylar Four Cities Friendship Chess Championship 2020 dodasynda jeńiske jetti, dep habarlaıdy Egemen.kz ákimdiktiń resmı saıtyna silteme jasap.

Nur-Sultannyń jas shahmatshylary tórt qala men tórt eldiń ıýnıorlary arasyndaǵy Four Cities Friendship Chess Chess Championship 2020-Junior Division halyqaralyq onlaın shahmat týrnırinde qarsylastaryn aıqyn basymdyqpen jeńdi.

Joldastyq onlaın-matchty Qazaqstan shahmat federasııasy Gonkong, Sıngapýr jáne Malaızııa ulttyq federasııalarymen birlesip 25 shilde men 8 tamyz aralyǵynda ótkizdi. Oǵan 8, 10 jáne 12 jas aralyǵyndaǵy 72 shahmatshy qatysty.

"Match úsh týrdan turdy, olardyń árqaısysynda Astana komandasy úlken basymdyqpen jeńiske jetti. Barlyq kezdesýler qorytyndysy boıynsha qazaqstandyq shahmatshylar 44 upaı jınap, birinshi boldy. Odan keıin Sıngapýr 28 upaımen, Gonkong – 19 jáne Penang – 16 upaımen", – delingen mádenıet jáne sport basqarmasynyń taratqan habarlamasynda.

Astana shahmat komandasyna Qazaqstan chempıonattarynyń chempıondary men júldegerleri ózderiniń jas sanattary boıynsha qatysty: Aıat Abdýllaev, Aqylbaı Imanǵalı, Danııal Sapenov, Ansat Aldııar, Álıhan Hajatuly, Saýat Nurǵalıev, Nazar Talǵatov, Edgar Mamedov, Aryn Alıdar, Danıs Qýandyquly, Nursultan Namazkeev, Álisher Ábsattar, Qalıza Aıjaryq, Zarına Nurǵalıeva, Malıka Japarbekova, Elnaz Qalıahmet, Dalııa Dıasqyzy jáne Amanjol Hanzada. Is-shara Halyqaralyq shahmat kúnine oraı uıymdastyryldy, ony ótkizý Qazaqstan Respýblıkasynyń Gonkongtaǵy Bas konsýldyǵynyń bastamasy men kómeginiń arqasynda múmkin boldy.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar