Qazaqstan Respýblıkasy Ishki Ister Mınıstrliginiń ShQO QAJD OV 156/6 mekemesiniń eń negizgi túzeý mekemesindegi kúzettik mindetin 6699 Ulttyq Ulan áskerı bólimi sarbazdary men áskerı qyzmetkerleri atqarady.
Osy jyldyń kóktem aıynda azamattyq boryshyn óteýge elimizdiń ár aımaǵynan kelgen 46 jas sarbaz Otan qorǵaýshylarmen teń dárejede sapqa turý úshin bir aıdan asa ýaqyt arnaıy daıyndyq kýrsynan ótip jatyr. Jas jaýyngerlerge mekeme qyzmetkerleri men áskerı bólim qyzmetkerleri áskerı qarý-jaraq AK-74 avtomatyn tanystyryp, qoldaný tártibin, maqsatyn túsindirip ótti. Koronavırýs indetiniń taralýyn boldyrmaý úshin atalǵan shara 6699 Ulttyq Ulan áskerı bóliminiń daladaǵy plas aımaǵynda karantındik tártipti saqtaýmen, qashyqtyqty saqtaýmen ótkizildi.
Árbir jas jaýynger qolyna qarý alyp, oqý jattyǵý sabaqtarynan ótip, berilgen qarýdy qoldaný tártibi men maqsaty jáne áskerı mindettiliktiń mańyzy týraly túsinikten habardar boldy. Elimizdegi qoǵam men memlekettiń qaýipsizdigin qamtamasyz etý – QR IIM Ulttyq Ulannyń basty mindeti bolyp tabylady.
Osy áskerı bóliminiń rota komandıriniń orynbasary D.Týktybaey: – Áskerge alynǵan bozbalalar tyńǵylyqty ázirlenýde, sarbazdar jas jaýyngerler kýrsynan ótip, olarǵa QR Qarýly Kúshteriniń tarıhyn, áskerı istiń negizderin, sap daıyndyǵynan ótýde. Batyldyq pen qyraǵylyq, áskerı antqa adaldyq týraly túsinikpen tanystyrylýda, – dep aıtyp ótti.
Búginde QR IIM qarasty Ulttyq Ulan áskeri qoǵamdyq tynyshtyqty saqtaý, mańyzdy memlekettik nysandardy, sonyń ishinde túzeý mekemelerin kúzetý men qorǵaý, memleket aıasynda ótkiziletin is-sharalardyń qaýipsizdigin qamtamasyz etý sekildi birqatar ózine júktelgen mindetterdi tabysty oryndaýda.
– Qoldaryna alǵan qarýlaryn tek oqý jattyǵý sabaqtarynda ǵana qoldanyp, Otan aldyndaǵy boryshtaryn abyroımen, tabandylyqpen, tózimdilikpen ótkizsin. Aǵaıyn-týystary men áke-sheshelerine aman-esen oralsyn, – dep OV 156/6 mekemesiniń tárbıe bólimimen tártip bóliminiń qyzmetkerleri jas jaýyngerlerge arnap tilekterin bildirdi.
