Qoǵam • 10 Tamyz, 2020

Áýe shabýylyna qarsy qorǵanys júıesine tekseris júrgizildi

127 ret kórsetildi

QR QK Bas shtabynyń arnaıy taǵaıyndalǵan komıssııasy ÁShQQ áskerleri bólimderi men bólimsheleriniń jaýyngerlik ázirligin jáne áýe keńistigin qorǵaý boıynsha jaýyngerlik kezekshilikti atqarý sapasyn tekserdi, - dep habarlaıdy Egemen.kz.

Qorǵanys mınıstri Nurlan Ermekbaevtyń nusqaýy boıynsha áýe shabýylyna qarsy qorǵanystyń turaqty jaýyngerlik ázirligi bólimderin tekserý maqsatynda kenetten shabýyl jasaý faktoryn paıdalana otyryp, ártúrli áýeaılaqtardan maıdan avıasııasynyń ushaqtary kóterildi, sonymen birge urysqa barynsha jaqyn jaǵdaı jasaý úshin áýe keńistigin buzǵan shartty qarsylastyń kóńilin aýlaǵan urmaly jáne barlaýshy ushqyshsyz ushý apparattary birmezette iske qosyldy.

ÁShQQ áskerleriniń Bas komandalyq pýnktinde áýe shabýylyna qarsy qorǵanys bólimsheleriniń kezekshi kúshteri men quraldarynyń is-qımylyn mınıstrdiń birinshi orynbasary - QR QK Bas shtabynyń bastyǵy general-leıtenant Murat Bektanov baqylap otyrdy.

Tekserýdiń máni boıynsha áýe shabýylyna qarsy qorǵanys áskerleriniń kezekshi kúshteri áýe nysyndaryn anyqtap, olardy áýe keńistigin buzýshy retinde, zenıttik zymyran bólimsheleriniń esepterimen (shartty túrde) joıýǵa tıis.

Almaty óńirlik garnızonynyń ÁShQQ áskerleri bólimderiniń kezekshi quraldarymen anyqtaý jáne alyp júrý algorıtmin oryndaı otyryp, naqty ýaqyt rejiminde shartty áýe qarsylasynyń ushý apparattary (shartty túrde) joıyldy. Oqý-jaýyngerlik mindet oryndaldy.

Sonymen qatar, komıssııa shaǵyn mólsherli maqsattardy, onyń ishinde ushqyshsyz ushý apparattaryn ustaý jáne joıý boıynsha obektilerdiń áýe shabýylyna qarsy qorǵanysyn uıymdastyrýdaǵy jekelegen kemshilikterdi anyqtady. Tekserý nátıjeleri boıynsha esepter men ekıpajdardyń is-qımyldaryna neǵurlym egjeı-tegjeıli taldaý júrgiziledi jáne ÁShQQ júıesin jetildirý jónindegi sharalar kesheni ázirlenedi.

Áýe shabýylyna qarsy qorǵanys áskerleri áýe keńistigin paıdalaný tártibiniń saqtalýyn úzdiksiz baqylaýyn júzege asyra otyryp, táýlik boıy jaýyngerlik kezekshilik atqaratynyn aıta ketý qajet.

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Uqsas jańalyqtar