Abaı • 10 Tamyz, 2020

Bolashaq ofıserler Abaı kúnin atap ótti

30 ret kórsetildi

Radıoelektronıka jáne baılanys áskerı-ınjenerlik ınstıtýt qabyrǵasynda Abaı kúnine oraı uıymdastyrylǵan ádebı-shyǵarmashylyq saǵat aıasynda bolashaq áskerıler hákimniń óleńder jınaǵy, qara sózderinen jınaqtalǵan myń bes júzden astam ádebı murasymen tanysty, - dep habarlaıdy Egemen.kz.

Bolashaq ofıserlerdi Abaı murasyna ortaqtastyrý, áıgili aqynnyń ıdeıasyn keń nasıhattaýǵa arnalǵan ádebı-shyǵarmashylyq saǵatta oqý ornynyń bastyǵy general-maıor Asqar Mustabekov Abaı Qunanbaev murasynyń erekshe mańyzdylyǵyna toqtalyp,  aqyn eńbekteriniń álem ádebıetiniń shoqtyǵy bıik týyndylarymen qatar turǵanyn, ony keńinen nasıhattaý – ıgilikti is, keler urpaqqa artylar zor amanat ekenin atap ótti.

REjBÁII baspasóz qyzmetiniń aqparynsha, kýrsanttar Abaı óleńderi men qara sózderin qazaq, orys, aǵylshyn tilderinde jatqa oqyp, shyǵarmashylyǵyn taldady. Áskerıler ótkizgen ádebı keshte dombyramen án-kúı shyrqalyp, uly tulǵaǵa arnaǵan óleń joldary oqyldy.

"Abaı óleńderi tereń oıǵa jeteleıdi, aınalańa basqasha kózqaraspen qaraýǵa úıretedi. Uly oıshyldyń aıtqan árbir sózi dóp basyp aıtylǵan, osy kúnde de ózektiligin joǵaltpaǵan", - deıdi kýrsanttar. Áskerıler el Prezıdenti Q.Toqaevtyń Abaıdyń 175 jyldyǵyn toılaý týraly bastamasyn keńinen qoldap, túrli sharalarǵa atsalysyp keledi. Jyl basynan beri áskerı oqý orynynyń kórkem ádebıet kitaphanasynda «Abaı murasy» atty kórme jumys istep tur.

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar