Sport • 10 Tamyz, 2020

"Astana" "Dınamo-Brestke" qarsy oınaıdy

37 ret kórsetildi

Shveısarııanyń Non qalasynda fýtboldan ÝEFA Chempıondar lıgasynyń 2020/21 jylǵy maýsymnyń jerebesi tartylyp, qaı komandalardyń ózara kúsh synasatyny anyqtaldy, - dep habarlaıdy Egemen.kz.

Atalǵan jarystyń birinshi irikteý kezeńinde Nur-Sultannyń "Astanasy" Belarýstiń "Dınamo-Brest" klýbymen sheberlik baıqasady. Bul komandanyń irgetasy osydan dál 60 jyl buryn qalandy. KSRO dáýirinde olar tómengi lıgalarda oınasa, keıinnen birshama táýir nátıjege qol jetkize bastady.

Atap aıtsaq, 1992 jyly Belarýs chempıonatynda qola medaldi qorjynǵa salsa, byltyr bas júldeni oljalady. Úsh márte el kýbogyn ıelendi. Sýperkýbok jolyndaǵy jarystyń sońǵy úsh maýsymynda qarsylas shaq keltirgen joq. Bir ret ÝEFA kýbogy jáne eki márte Eýropa lıgasynda baq synady. Biraq halyqaralyq dodalarda "Dınamo-Brestiń" joly bolmaı, olar irikteý kezeńderinde irkildi.

Qos komanda 18 nemese 19 tamyzda kezdesedi. Ekeýara bir ǵana match ótkizedi. Osy kezdesýde jeńgen ujym kelesi kezeńge joldama alsa, jeńilgeni Eýropa lıgasynda oınaıdy. 

Sońǵy jańalyqtar

Epızootıkalyq jaǵdaı turaqtanýda

Aımaqtar • Búgin, 10:45

Qazaqstanda taǵy 69 adam indet juqtyrdy

Koronavırýs • Búgin, 09:00

Uqsas jańalyqtar