"Nur Otan", "Aq jol", "Halyq kommýnısteri" parlamenttik fraksııalarynyń ókilderi jáne Qazaqstan halqy Assambleıasy depýtattary birneshe baǵyt boıynsha jumys atqarýda. Olar: áleýmettik máseleler, turǵyndarǵa tikeleı kómek, eńbekpen qamtý, shaǵyn jáne orta bıznesti qoldaý.
Sondaı-aq depýtattar azamattardyń densaýlyǵyn, ekonomıkalyq ál-aýqatyn jaqsartý baǵytyna basa kóńil bóle kelip, qaıyrymdylyq aksııalaryna, áleýmettik jáne eriktiler jobalaryna belsene qatysýda.
"Halyq kommýnısteri" fraksııasynyń músheleri Aıqyn Qońyrov pen Jambyl Ahmetbekov qazirgi ýaqytta "Shapaǵat" partııalyq qaıyrymdylyq jobasy aıasynda sharalarǵa qatysýda. Munda muqtaj jandar azyq-túlik túrinde ataýly kómek alady jáne onlaın túrde zańdy ári psıhologııalyq kómekke júgine alady.
Sonymen birge onlaın rejımde Májilis depýtattary azamattardy jeke suraqpen qabyldaıdy. Fraksııa jetekshisi Aıqyn Qońyrov atap ótkendeı, azyq-túlik tek qana qazaqstandyq ónimder. Depýtattardyń aımaqtardaǵy jumysy odan ári jalǵasýda.
