Qoǵam • 10 Tamyz, 2020

Qazaqstannyń áskerı-medısınalyq jasaǵy Lıvanǵa jetti

21 ret kórsetildi

Qorǵanys mınıstrliginiń arnaıy maqsattaǵy áskerı-medısınalyq jasaǵy mejelengen pýnktke aman-esen jetti, - dep habarlaıdy Egemen.kz atalǵan mınıstrliktiń baspasóz qyzmetine silteme jasap.

Beırýt halyqaralyq áýejaıynda jasaqty Qazaqstan Respýblıkasynyń Lıvan Respýblıkasyndaǵy ýaqytsha senimdi ókili Erjan Qalekenov, Lıvan Respýblıkasy Qorǵanys mınıstrliginiń ókili brıgadalyq general Abı Karam jáne Lıvan Syrtqy ister mınıstrliginiń ókili Alı Dıranı qarsy aldy.

"Biz Lıvanǵa kómek kórsetýdegi Qazaqstannyń osy ıgi isin baǵalaımyz jáne QR Prezıdenti Qasym-Jomart Toqaevqa, kórsetken kómegi men qoldaýy úshin shyn júrekten rızashylyǵymyzdy bildiremiz", - dedi Lıvan Syrtqy ister mınıstrliginiń ókili Alı Dıranı.

Aıta ketý kerek, aǵymdaǵy jyldyń sáýir aıynda tótenshe jaǵdaı kezinde elde koronavırýstyq ınfeksııanyń taralýyna baılanysty arnaıy maqsattaǵy áskerı-medısınalyq jasaqtar quryldy. Olar jedel áreket etýge jáne Qarýly Kúshter qolbasshylyǵynyń arnaıy mindetterin oryndaýǵa arnalǵan. Áskerı dárigerler elimizdiń túrli aımaqtarynda tapsyrmalardy oryndady jáne qazir el basshylyǵynyń tapsyrmasy boıynsha Lıvan halqyna medısınalyq kómek kórsetý úshin alǵa shyqty. 

Ár túrli jaǵdaıda jumys isteý úshin arnaıy maqsattaǵy áskerı-medısınalyq jasaqtyń personaly bitimgershilik daıyndyq baǵdarlamasy boıynsha aǵylshyn tilin oqytý kýrstarynan ótken.

Esterińizge sala keteıik, 8 tamyz kúni tańerteń QR Prezıdenti - Qazaqstan Respýblıkasy Qarýly Kúshteriniń Joǵarǵy Bas Qolbasshysynyń tapsyrmasy boıynsha porttaǵy jarylys saldarynan zardap shekkenderge medısınalyq kómek kórsetý úshin quramynda 29 áskerı dáriger men 4 aýdarmashysy bar top Beırýtqa jiberilgen bolatyn.

Sońǵy jańalyqtar

Qarýly Kúshterdiń spartakıadasy ótti

Aımaqtar • Búgin, 15:17

Aqtaýdaǵy "Masat" bazarynda órt shyqty

Aımaqtar • Búgin, 14:00

Tarıhı nysandar jańǵyrtylýda

Qazaqstan • Búgin, 13:05

"Balapan" telearnasyna - 10 jyl

Qazaqstan • Búgin, 11:00

Oralda "Juban" qoıylymynyń premerasy ótti

Rýhanııat • Búgin, 10:20

Búgin – Eńbek kúni

Qazaqstan • Búgin, 09:20

Uqsas jańalyqtar